დევიდ მოიესმა განაცხადა, რომ უეინ რუის უახლოეს პერიოდში მიეცემა დასვენების საშეუალება, მას შემდეგ რაც ჩაატარა უამრავი მნიშვნელოვანი მატჩი კლუბში და ნაკრებში.
თავდამსხმელი ფანტასტიურ ფორმაში იმყოფება და "იუნაიტედის" ყოფილი მწვრთნელის, სერ ალექს ფერგიუსონის განცადებით ამ სეზონში ინგლისელი საუკეთესოა გუნდში. ზოგი შესაძლოა არ დაეთანხმოს, თუმცა მოიესის მტკიცებით რუნის სათამაშო ფორმამ მას საშუალება მისცა ჩაეტარებინა ბევრი თამაში კლუბში, ამიტომ მას აუცილებლად სჭირდება დასვენება.
მოიესი აღიარებს, რომ მოხარული იქნებოდა თუ რუნის დასვენების საშუალება მიეცემოდა სანაკრებო პაუზის დროს, თუმცა ესმის, თუ რატომ სჭირდებოდა როი ჰოჯსონს მისი თილისმანი ინგლისის ნაკრებში.
"მე ვფიქრობდი, რომ რუნი ორივე მატჩს ჩაატარებდა ნაკრებში, შეიძლება 90 წუთი არა, მაგრამ მე ვიცი როგორ მდგომარეობაშია რუნი ახლა - მას უნდა ყველა მატჩის ჩატარება" განუცხადა მოიესმა ჟურნალისტებს. "მე ვიმედოვნებდი, რომ მას ამ პერიოდში დასვენების საშუალება მიეცემოდა, თუმცა ის უნდა ყოფილიყო შემადგენლობაში, რადგან როისთვის ეს თამაშები ძალიან მნიშვნელოვანი იყო. მე პატივს ვცემ მის გადაწყვეტილებას. სეზონის გარკვეულ ნაწილში მომიწევს რუნის დასვენება, თუმცა არ ვიცი როდის მოხდება ეს."
"შესაძლოა მომავალ ორ თვეში მას დასვენების დრო მიეცეს, რადგან მისი ძალისხმევა და შრომა ამ სეზონში ფანტასტიურია. ჩვენ ყველას მოგვწონს უეინ რუნის თამაშის ყურება, თუმცა ის ვერ შეძლებს ყველა მატჩის ჩატარებას."
"მე ვფიქრობ ის უკეთესი ფეხბურთელია, როდესაც ბევრ თამაშს ატარებს" დაამატა მოიესმა. "ამიტომაც არ გამკვირვებია, როდესაც მან ინგლისში ორივე თამაში ითამაშა. თუმცა თუ შევხედავთ მის სათამაშო დონეს, დისტანიციას რომელსაც ის თამაშის განმაბლობაში ფარავს და მის დახარჯულ ენერგიას, მივხვდებით რომ მისთვის აუცილებელია დასვენება."
"იუნაიტედის" მენეჯერი კმაყოფილია რუნის ამჟამინდელი თამაშით და განაცხადა, რომ მას საშუალებას მისცემს რაც შეიძლება მეტი თამაში ჩაატაროს, რათა ბოლომდე დაეხმაროს გუნდს.
"რამდენიმე თამაშში ის ძირითადში არ დამიყენებია და მითქვამს 'შენ არ დაიწყებ დღეს თამაშს და სათადრიგოზე იჯდები', თუმცა ის ძალიან საჭირო ფეხბურთელია და ხშირ შემთხვევბში ის მთელი თამაშის განმავლობაში მჭირდება." განაცხადა მოიესმა.
"ჩვენ არ გვინდა რომ მისი ფორმა უარყოფითისკენ წავიდეს, ჩვენ გვსურს შევუნარჩონოთ მას ის მუხტი რაც ახლა აქვს, მაგრამ სხვა დეტალებზე უნდა ვიფიქროთ. უეინი ამას გაიგებს. დარმწუნებული ვარ ის ფიქრობს, რომ ჩვენ მასთან სწორად ვმუშაობთ და ის ჩვენ ბოლომდე გვენდობა."