"მანჩესტერ იუნაიტედის" მთავარმა მწვრთნელმა განაცხადა, რომ მარუან ფელაინის ჯერ არ უჩვენებია ის თამაში, რასაც "ევერტონში" აჩვენებდა ხოლმე.
საზაფხულო ტრანსფერების ფანჯრის დახურვამდე რამდენიმე საათით ადრე, დევიდ მოიესმა "ევერტონს" ამაყად გადაუხადა ფეხბურთელში – 27.5 მილიონი ფუნტი. მაგრამ მარუანმა იმედები ვერ გაამართლა, ამას დაემატა მისი ტრავმაც, რომლსაც შესაძლოა მალე ოპერაციაც კი დასჭირდეს.
"კარდიფთან" მატჩში მარუანი დიდი ალბათობით მინდორზე გამოვა, რადგან ტრავმირებულები არიან ფილ ჯონსი და მაიკლ კერიკი. დევიდ მოიესი კი ცდილობს მხარი დაუჭიროს ბელგიელ ნახევარმცველს.
"მან იცის, რომ უკეთესად შეუძლია თამაში. როდესაც ის ჩვენთან გადმოვიდა, ჩვენ ისე ვერ ვთამაშობდით, როგორც გვინდოდა. ბევრი ვინც "იუნაიტედში" გადმოსულა პირველივე თამაშიდანვე არ დაუმკვიდრებია ადგილი სასტარტო შემადგენლობაში, რადგან ამას დრო სჭირდება."
"ფელაინისთვის დრო უნდა მიგვეცა, მაგრამ ძალიან სწრაფად ჩავრთეთ საქმეში. ამასთანავე მას აქვს ტრავმა, რაც ოპერაციას საჭიროებს, ამიტომ ის თავს უფრთხილდება. ჩვენ აუცილებლად დაგვჭირდება მარუანი და აუცილებლად მიეცემა მას შანსი." – განაცხადა მოიესმა Daily Mirror-თან.