"მანჩესტერ იუნაიტედის" ცენტრალური მცველი არ გამორიცხავს იმ ფაქტს, რომ ეს სეზონი მისთვის ბოლო აღმოჩნდეს "ოლდ ტრაფორდზე".

როგორც ცნობილია, ფერდინანდი თვრამეტ კაციან განაცხადშიც კი ვერ მოხვდა "არსენალთან" მატჩზე, სადაც "იუნაიტედმა" "მეთოფეებს" სამი ქულა წაართვეს. რიო, რომელმაც გასულ თვეში 35 წლის იუბილე აღნიშნა, გამოტყდა, რომ გუნდში მისი როლი შეიცვალა.

"მწვრთნელმა უბრალოდ გადაწყვიტა, იმ მატჩში არ გამოვსულიყავი. მე ვთამაშობდი შუა კვირაში, ხოლო უქმეებზე განაცხადის მიღმა დავრჩი. ეს ცოტა არ იყოს მაბრაზებს, მაგრამ ჩემი ასაკიც არ იტყუება. იმ ფაქტს უნდა შევეგუო, რომ ყველა მატჩს ვერ ჩავატარებ. ეს ძნელი მისაღებია, რადგან მე მსურს ყველა მატჩის ჩატარება, ყოველ კვირას."

"ეს ნამდვილად ძნელი მისაღებია, მაგრამ პროფესიონალი უნდა ვიყო. თუ შენ ყველა ტურნირზე გინდა წარმატების მიღწევა, მაშინ ერთი და იმავე გუნდში ყოველთვის ვერ ითამაშებ. ჩვენ გუნდში ბევრი ნიჭიერი მოთამაშეა, განსაკუთრებით კი ჩემს პოზიციაზე, ასე რომ ყოველი მატჩით უნდა დავტკბე."

"ვითამაშებ თუ არა მომდევნო წელს "იუნაიტედში"? – არ ვიცი. პირველ რიგში ეს სეზონი უნდა გადავლახო. დიდი იმედით, ამ სეზონს წარმატებით დავასრულებთ. გასულ წელსაც იგივე ვთქვი. ჯერ სამომავლო გეგმები არ შემიდგენია, ამიტომ სანამ სეზონს არ დავასრულებ, მომავალზე ვერ ვიფიქრებ." – განაცხადა ფერდინანდმა Daily Mirror–თან.

წყარო:http://fapl.ru