"მანჩესტერ იუნაიტედის" მცველმა მაიკლ კინმა ისევ გამოიჩინა თავი ინგლისის 21-წლამდელთა ნაკრებში, მან გაიტანა პირველი გოლი სან მარინოს წინააღმდეგ, რომელიც რეკორდული ანგარიშით 9:0 დამთავრდა. ამ მატჩამდე ყველაზე დიდი ანგარიშით ახალგაზრდა ინგლისელებმა დაამარცხეს ფინეთი [8:1] 1977 წელს.
თამაშში ასევე მონაწილეობა მიიღო ჯესი ლინგარდმა, რომელმაც 90 წუთი დაჰყო მოედანზე და ორი საგოლე გადაცემის გაკეთებაც მოახერხა. ხოლო უილფრიდ ზაჰა მთელი თამაში სათადარიგო სკამზე იმყოფებოდა.