დღეს ცნობილი გახდა ის ფაქტი,რომ "მანჩესტერ იუნაიტედის" ინგლისელი მცველი ფილ ჯონსი ინგლისის ეროვნულ ნაკრებში მიღებული ტრავმის გამო გუნდს 10 დღით დააკლდება.ინგლისელმა ჩილეს ეროვნული ნაკრების წინააღმდეგ მატჩში ტრავმა მიიღო და სწორედ ამის გამო მოედანი ნაადრევად 57-ე წუთზე დატოვა.
აღნიშნული ტრავმის გამო 21 წლის მცველს მოუწევს მიმდინარე ინგლისის პრემიერ ლიგის მომდევნო მატჩის გამოტოვება "კარდიფის" წინააღმდეგ და ასევე ჩემპიონთა ლიგის ჯგუფური ეტაპის მე-5 ტურის მატჩის გამოტოვება "ბაიერ ლევერკუზენის" წინააღმდეგ.