როგორც The Daily Mail იტყობინება, მაიკლ კერიკი დათანხმდა ახალ კონტრაქტს, რომლის მიხედვითაც ის "ოლდ ტრაფორდზე" კიდევ 2.5 წელი დარჩება.
გამოცემის მიხედვით მოლაპარაკება, რომელიც რამდენიმე კვირა გრძელდებოდა, დასრულდა და ოფიციალურად ახალი კონტაქტი 32 წლის ნახევარმცველთან კვირის ბოლოს დადასტურდება.
ასე რომ, დიდი ალბათობით მაიკლ კერიკი კარიერას "ოლდ ტრაფორდზე" დაასრულებს. გასულ თვეში ჟურნალისტებთან ლაპარაკის დროს მან განაცხადა: "მე მინდა რაც შეიძლება დიდი ხანი დავრჩე 'იუნაიტედში'. ეს ფანტასტიური კლუბია და აქ გავატარე კარიერის ყველაზე მნიშვნელოვანი წლები. ამ მომენტისთვის თავს კარგად ვგრძნობ. მე ცოტა ხნის წინ შემისრულდა 32 წელი, ასე რომ მე ჯერ კიდევ მაქვს დრო სათამაშოდ."