ინგლისისა და გერმანიის დაპირისპირებამდე, "მანჩესტერ იუნაიტედის" თავდამსხმელმა უეინ რუნიმ განაცხადა, რომ მესუტ ოზილის თამაშით აღფრთოვანებულია.
ინგლისური პრემიერ-ლიგის ბოლო ტურში ინგლისელი და გერმანელი ერთმანნეთს დაუპირისპირდნენ. "იუნაიტედმა" მინიმალური ანგარიშით დაამარცხა მესუტის "არსენალი.
დღეს კი ფეხბურთელები ერთმანეთს სანაკრებო დონეზე დაუპირისპირდებიან ერთმანეთს, შეგახსენებთ, რომ გერმანიის ეროვნული ნაკრები ინგლისს "ვემბლიზე" ეწვევა. უეინი კი ვერ მალავს აღფრთოვანებას თავისი მოწინააღმდეგის მიმართ.
"ის ჭკვიანი ფეხბურთელია და მინდორზე ერთ ადილას არ ჩერდება. მესუტი მინდვრის ყველა ნაწილში მოძრაობს. მას შეუძლია გოლების გატანაც და კარგი პასების გაკეთებაც პარტნიორებისთვის. ოზილი ფანტასტიკური ფეხბურთელია, ამიტომ ჩვენი გუნდი შეეცდება მის განეიტრალებას." - აცხადებს უეინ რუნი Daily Mirror-თან.