დევიდ მოიესი აგრძელებს საკუთარი სამწვრთნელო შტაბის შევსებას. Sky Sports-ის ინფორმაციით "იუნაიტედის" მთავარმა მწვრთნელმა, "პრემიერ ლიგის" ელიტური ფეხბურთელი ჯონ მერტო დაარწმუნა, რომ "ოლდ ტრაფორდზე" გადასულიყო.
მოიესი კარგად იცნობს მერტოს, ისინი ერთად მუშაობდნენ "ევერტონში", სადაც მერტო აკადემიას წვრთნიდა. თუმცა "იუნაიტედის" მთავარმა მენეჯერმა განაცხადა, რომ ახალი სპეციალისტის მოსვლა ხელს არ შეუშლის ბრაიან მაკკლერს, რომელიც ამჟამად "წითლების" აკადემიას წვრთნის.
ასევე The Daily Express იტყობინება, რომ რობი კუკმა, რომელიც "ევერტონში" სკაუტების შეფი იყო, კონტრაქტი გააფორმა "იუნაიტედთან" და მალე შეუერთდება გუნდს. შეგახსენებთ, რომ მის გადმოყვანაზე ლაპარაკი სეზონის დასაწყისშიც იყო. კუკი იმუშავებს "იუნაიტედის" სკაუტების შეფთან, ჯიმ ლოულორთან ერთად.
იგივე გამოცემის თანახმად, სკაუტთა რიგებს კიდევ ერთი ახალი წევრი შეემატება. ეს იქნება "ჩელსის" ევროპელი სკაუტების შეფი მიკ დოგერტი, რომელიც ასევე მოიესთან ერთად მუშაობდა "ევერტონში".
როგორც გამოცემა იტყობინება, საზაფხულო სატრანსფერო ფანჯრის ჩაგდების შემდეგ მოიესი აპირებს შეკრას გუნდი, რომელიც მრავალმხრივი კავშირებით შეძლებენ სატრანსფერო ფანჯრის დროს ფეხბურთელებზე დაკვირვებას, ასევე დააკომპერსირებენ კლუბის ახალი აღმასრულებელი დირექტორის, ედ ვუდვორდის გამოუცდელობას.
წყარო:
ManUtd.ru