ანდერს ლინდერგაარდა შეაქო "იუნაიტედის" მეკარეების მწვრთნელი კრის ვუდსი და ინგლისის ნაკრების ყოფილი მეკარე დაახასიათა, როგორც "მსოფლიოს დონის" მწვრთნელი.
ვუდსი "ოლდ ტრაფორდზე" ამ ზაფხულში მოვიდა, დევიდ მოიესთან ერთად. 54 წლის მწვრთნელი დიდი ხნის განმავლობაში მუშაობდა შოტლანდიელთან ერთად "ევერტონში".
ManUtd.com-თან ექსკლუზიურ ინტერვიუში, ლინდერგაარდმა დაახასიათა ახალი მწვრთნელი და ახსნა, თუ რატომ მოსწონს "ნოტინგემ ფორესტის", "ნორვიჩ სიტის" და "რეინჯერსის" ყოფილ მეკარესთან მუშაობა.
"ის მსოფლიო დონისა მწვრთნელია." განაცხადა ანდერსმა. "მე ნამდვილად კარგი შთაბეჭდილება დამრჩა კრისზე პირველივე დღიდან. ის რაღაც განსაკუთრებულია, როგორც ადამიანი და როგორც მწვრთნელი. ის ძალიან მშვიდია და ყოველთვის მაქსიმუმს აკეთებს ჩვენს დასახმარებლად."
"მას არანირი ეჭვი არ აქვს მის ქმედებაში, ის არასდროს ყოყმანობს, თავის თავში 100%-ით არის დარწმუნებული. ამას ნამდვილად აქვს შედეგი და მეკარეებს სიმშვიდეს გვანიჭებს. ის ძალიან კარგი მწვრთნელი და ადამიანი. მე ძალიან მომწონს მასთან მუშაობა."
"აქ ძალიან კარგი სავარჯიშო ატმოსფეროა, ხუმრობის და გართობის დროც გვაქვს, თუმცა როცა საქმე ვარჯიშს ეხება, ჩვენ ყველანაირი სერიოზულობით ვუდგებით მას. მე მისით ძალიან კმაყოფილი ვარ."