"ფულემი" დაინტერესდა "მანჩესტერ იუნაიტედის" ნახევარმცველ ანდერსონით. ინტერესი გამოთქვა "ფულემის" სამწვრთნელო შტაბიდან რენე მალესტინმა, რომელმაც ამ ზაფხულს დატოვა "იუნაიტედი". ჰოლანდიელი სპეციალისტი ანდერსონის ტალანტის დიდი გულშემატკივარია.
ანდერსონი უკვე მეშვიდე სეზონს ატარებს "ოლდ ტრაფორდზე", მაგრამ მაინც ვერ შეძლო ამ დიდი დროის განმავლობაში სასტარტო შემადგენლობაში ფეხის მოკიდება. ადრე ბრაზილიელს ხელს ტრავმები უშლიდა, ახლა კი ის ჯანმრთელია, მაგრამ სასტარტოში მოხვედრას მაინც ვერ ახერხებს.
როგორც ცნობილია, მიმდინარე სეზონში ანდერსონმა მხოლოდ ორი მატჩი ჩაატრა სასტარტო შემადგენლობაში. როგორც Manchester Evening News გვამცნობს, "ფულემი" შეეცდება 26 წლის ნახევარმცველის არენდით აყვანას.