ფილ ნევილმა განაცხადა, რომ "იუნაიტედი" აპირებს აქტიურობას ზამთრის სატრანსფერო ფანჯრის განმავლობაში.
"ახლა ჩვენს მფლობელობაში ფანტასტიური შემადგენლობაა. სეზონის დასაწყისში ვეძებდით ფეხბურთელებს, რომლებიც შეძლებდნენ გუნდის გაძლიერებას და ეს ძიება გრძელდება. ჩვენთვის აუცილებელია შემადგენლობის გაძლიერება, რადგან არ დაგვემართოს ის, რაც 'სიტის' მოუვიდა გასულ სეზონში. მათ ვერ მოახერხეს გუნდის სწორი მიმართულებით გაძლიერება და საბოლოოდ ამის გამო ტიტულიც დაკარგეს" - გადმოგვცემს ფილ ნევილის სიტყვებს thepeoplesperson.com.
ასევე დევიდ მოიესის დამხმარე თვლის, რომ კლუბი ჯერ კიდევ გადის რთულ პერიოდს, რომელიც მენეჯერის შეცვლით არის გამოწვეული. "ვესტ ბრომვიჩთნ' დამარცხება გახდა რეალური სიგნალი მენეჯერისთვის და ფეხბურთელებისთვის. ახლა ფეხბურთელებსა და დევიდ მოიესს შორის დამყარდა ძალიან მყარი, ურთიერთნდობაზე დამყარებული კავშირი, შედეგი კი ყველამ კარგად ვნახეთ 'არსენალთან' მატჩში."
"უეინ რუნი საკუთარ თავს შესანინავად ავლენს. სეზონის დასაწყისშიც კი, როდესაც ჩვენ ვერ ვანახებდით კარგ ფეხბურთს, ის იყო საუკეთესო მოთამაშე გუნდში. მისი შრომისმოყვარეობა შესანიშნავია არამარტო მატჩებში, არამედ ვარჯიშების დროს. ვფიქრობ, უეინისა და რობინ ვან პერსის დუეტი კიდევ უამრავ გამარჯვებას მოუტანს გუნდს."