"United Review"-ს საშუალებით ფანებმა უეინ რუნის რამდენიმე კითხვა დაუსვეს...
რაზე ფიქრობთ განსაკუთრებული, დიდი მატჩების წინ?მე ისე ვუდგები ასეთ თამაშებს, როგორც სხვა დანარჩენებს. თქვენ იწყებთ ნერვიულობას, მაგრამ ამავდროულად ვეღარ ითმენთ- გსურთ დრო მალე გავიდეს და მოედანზე გახვიდე. ასეთ დროს, იმაზე ვფიქრობ, თუ რა პოზიცია დავიკავო მატჩის განვმალობაში, რომელი იქნება საუკეთესო. როცა მატჩი იწყება, შენ მხოლოდ თამაშზე ფიქრობ.
რომელი შეხვედრა დაგამახსოვრდათ ყველაზე მეტად "არსენალთან"?პირველი მატჩი მათ წინააღმდეგ "იუნაიტედის" შემადგენლობაში, რომელიც "ოლდ ტრაფორდზე" გაიმართა. ჩვენ მაშინ 2-0 ვიმარჯვეთ და დავასრულეთ "არსენალის" 49 მატჩიანი წაუგებელი სერია. თამაში იმ დღეს გაიმართა, როდესაც მე-19 დაბადების დღეს ავღნიშნავდი. ერთი გოლი გავიტანე, შემდეგ თავი რუუდ ვან ნისტელროიმ გამოიჩინა, რომელიც გიჟივით ზეიმობდა გატანილ ბურთს. ამის შემდეგ იყო რამდენიმე ბრწყინვალე მატჩი, რომლებიც კარგად მაგონდება, მაგრამ ეს შეხვედრა განსაკუთრებული იყო.
კარგად ვიცით, რომ "იუნაიტედი" ყველა ტურნირის მოგებას გეგმავს, სადაც მონაწილეობს. ამის მიუხედავად, რომელი ტიტულია თქვენთვის ყველაზე სასურველი?მთელი კარიერის განვმალობაში ვამბობ, რომ ინგლისის პრემიერ ლიგა- საუკეთესო ჩემპიონატია, რომლის მოგებაც ჩვენთვის ძალიან მნიშვნელოვანია. ეს ჩვენი შიდა ტურნირია, ასე რომ აუცილებელია, ყოველთვის დარჩე საუკეთესო. ლიგას ჩვენთვის დიდი მნიშვნელობა აქვს, ამიტომ ვცდილობთ, ყოველთვის ვიმარჯვოთ.
როგორ სტილში მოგწონთ გოლების გატანა?ყოველთვის კარგია ლამაზი გოლების გატანა, მაგრამ ჩემთვის ყველაზე დიდი მნიშვნელობა აქვს იმ გოლს, რომელიც კლუბს გადამწყვეტ მომენტში ეხმარება. წინა სეზონში გოლი "ფულემის" კარში ამის კარგი მაგალითია. მე ვთამაშობ მწვავე შეტევებში, ასე რომ უნდა გავიტანო რაც შეიძლება მეტი. ბედნიერი ვარ, როცა ეს გამომდის.