მას შემდეგ რაც ნანი ლისაბონის "სპორტინგიდან" "იუნაიტედში" გადაბარბდა, იგი გახდა გუნდის ერთ-ერთი წამყვანი მოთამაშე. დროთა განმავლობაში ნანი გამოვიდა კრიშტიანო რონალდუს ჩრდილიდან და გულშემატკივრებს სულ სხვა კუთხიდან დაანახა საკუთარი თავი. მისი დებიუტი 2007 წლის 5 აგვისტოს შედგა, როდესაც მისი გუნდი "ჩელსის" დაუპირისპირდა. ხოლო, რაც შეეხება სადებიუტო სეზონს, რთული წარმოსადგენია რომ ვინმეს ასეთი წარმატებული დებიუტი ექნება. "იუნაიტედმა" ჩემპიონთა ლიგა მოიგო. მის საუკეთესო სეზონად კი მიჩნეულია 2010/11 წელი, როდესაც ნანიმ დიდი წვლილი შეიტანა "ლივერპულის" რეკორდის დამხობაში და დამსახურებულად მიიღო სეზონის საუკეთესო მოთამაშის წოდება. ამ წარმატების შემდეგ სერ ალექს ფერგიოსონის მისდამი ნდობა კიდევ უფრო გაიზარდა. თუმცა იყო შეხვედრები, როდესაც პორტუგალიელმა მრავალჯერ გაუცრუა იმედი გულშემატკივარს და მისი სუსტი მხარე - არასტაბილურობა დაანახა. ამ ყველაფრისდა მიუხედავად ნანი კვლავ რჩება პრემიერ ლიგის ერთ-ერთ ყველაზე სახიფათო ვინგერად, რომელსაც შესანიშნავად გამოსდის დრიბლინგი და მცველების მოტყუება. დღეს ნანის 27 წელი შეუსრულდა, იგი სულ მალე მამაც გახდება და მინდა მთელი საიტის სახელით მივულოცო იუბილე პორტუგალიელს და წარმატება ვუსურვო საფეხბურთო და პირად კარიერაში.
ახალი ამბები
4 კომენტარი
ინფორმაცია
ჯგუფ სტუმარი-ის წევრებს არ აქვთ კომენტარის დატოვების უფლება.