"მანჩესტერ იუნაიტედის" მთავარი მწვრთნელის დამხმარემ ფილ ნევილმა განაცხადა, რომ ფეხბურთელებს ნელ-ნელა უმყარდებათ ნდობა მოიესის და მისი სამწვრთნელო მეთოდების მიმართ.
მოიესმა "იუნაიტედი" ზაფხულში სერ ალექსისგან ჩაიბარა. კლუბმა ბოლო 24 წლის მანძილზე, ყველაზე ცუდი სტარტი აიღო.
ბოლო დროს კი კლუბი სტაბილურად ასპარეზობს ყველა ჩემპიონატში, გასულ უქმეებზე კი "წითლებმა" მოახერხეს საკუთარ კედლებში პრემიერ-ლიგის სათავეში მყოფი "არსენალის" დამარცხება, ანგარიშით (1-0) ფილის აზრით მოიესისადმი გუნდის ნდობა იზრდება.
"ვესთ ბრომვიჩთან" მარცხი ნამდვილი სიგნალი იყო როგორც ფეხბურთელებისთვის, ასევე მწვრთნელისთვისაც. ფეხბურთელები, როგორც მწვრთნელს ასევე მის ფილოსოფიასაც ენდობიან. ვფიქრობ, ეს თქვენ "არსენალთან" დაინახეთ. გაწვრთნა ისეთი გუნდი, როგორიც "მანჩესტერ იუნაიტედია" სერ ალექს ფერგიუსონის შემდეგ, ძალიან რთულია, ამიტომ ყველაფერს დრო სჭირდება." - განაცხადა ნევილმა BBC-თან ინტერვიუში.