ნანის პორტუგალიამ ერთი ნაბიჯი გადაგდა მსოფლიო ჩემპიონატისკენ, მას შემდეგ რაც მათ მინიმალური ანგარიშით დაამარცხეს შვედეთი.

"იუნაიტედის" ვინგერმა თავისი როლი ითამაშა გამარჯვებაში და შანსიც ჰქონდა გოლი გაეტანა თუმცა ანდრეას ისაკსონმა მოახერხა ბურთის მოგერიება. არაა გასაკვირი, რომ გადამწყვეტი გოლი ყოფილმა "იუნაიტედის" ფეხბურთელმა, კრიშტიანო რონალდომ გაიტანა. მან გამარჯვების გოლის გატანა თამაშის დასრულებამდე 8 წუთით ადრე მოახერხა.

რაც შეეცხება პატრის ევრას, მისი ნაკრები უკრაინასთან 2-0 დამარცხდა, ორივე გუნდმა თამაში 10 ფეხბურთელით დაასრულა. ანგარიში გახსნა რომან ზოზულიამ, ხოლო ანდრეი იარმოლენკომ ზუსტად შესრულებული პენლით სხვაობა 2-მდე გაზარდა. შეგახსენებთ, რომ ამ მატჩში გაძევებული იქნა ლორან კოშელნი და ალექსანდრ კუჩერი.

რაც შეეხება ინგლისს, "სამი ლომი" ანგარიშით 2-0 დამარცხდა ჩილესთან, ორივეჯერ თავი "ბარსელონას" თავდამსხმელმა ალექსის სანჩესმა გამოიჩინა. ძირითად შემადგენლობაში იყო ფილ ჯონსი, რომელიც ცენტრალური მცველის პოზიციაზე იდგა, ხოლო 57-ე წუთზე ის შეცვალა კრის სმოლინგმა.

უეინ რუნიმ ითამაშა სრული მატჩი და ერთი კარგი მომენტი შეუქმნა ადამ ლალანას, ხოლო ტომ კლევერლი თამაშში საფინალო სასტვენამდე 20 წუთით ადრე ჩაერთო.

ანტონიო ვალენსიამ უკაპიტნა ეკვადორს არგენტინის ნაკრების წინააღმდეგ, ნიუ ჯერსიში. თამაში უგოლო აღმოჩნდა, თუმცა ანტონიო ვალენსიამ ერთხელ მოახერხა სახიფათო დარტყმის შესრულება და ბურთი ხარიხამ იხსნა.

შინჯი კაგავა მეორე ტაიმში ჩაერთო ჰოანდიასთან მატჩში და გუნდს დაეხმარა 2 გოლიანი სხვაობა აღმოეფხვრა, თამაში საბოლოოდ 2-2 დასრულდა.

ჯონი ევანსმა 90 წუთი ითამაშა თურქეთის ნაკრების წინააღმდეგ, სადაც მისი გუნდი მინიმალური ანგარიშით დამარცხდა მევლუტ ერდინგის ტაიმის ბოლოს გატანილი გოლის წყალობით.

წყარო: ManUtd.com