სტატისტიკა შეიძლება ნებისმიერ დროს შეიცვალოს და მოერგოს ყველა არგუმენტს. მაგრამ, "მანჩესტერ იუნაიტედის" ზოგიერთი მნიშვნელოვანი ფიგურა, ბრწყინვალე იყო "არსენალთან" მატჩში. კარგად გამოჩნდა, რომ ნებისმიერი დაძაბული შეხვედრა შეიძლება ლამაზ სანახაობად გადაიქცეს.
მიუხედავად ამ გამარჯვებისა, აუცილებლად უნდა მიექცეს ერთ ფაქტს ყურადღება. "იუნაიტედი" "მეთოფეების" წინააღმდეგ დიდხანს ვერ ფლობდა ბურთს და პასებს 75.87% სიზუსტით აკეთებდა. რაც ამ სეზონში ყველაზე დაბალია.
"იუნაიტედის" გამარჯვების მთავარი მიზეზი დევიდ მოიესია. მან კარგად იცის ფეხბურთელების გამოყენება. კარგად გამოჩნდა "მეთოფეებთან" მატჩში, რომ შოტლანდიელმა რუნისგან და პერსისგან მაქსიმუმი მიიღო. გამარჯვების გოლიც ხომ ჰოლანდიელმა ბომბარდირმა გაიტანა...
ვერავინ იტყვის, რომ "იუნაიტედმა" კარგად ითამაშა, ამას ვერ იტყვით "მეთოფეებზეც". უბრალოდ ამ მატჩში დევიდ მოიესმა ვენგერი სწორი ტაქტიკით დაჩაგრა. "ოლდ ტრაფორდზე" წაგება "წითელი ეშმაკებისთვის" კატასტროფა იქნებოდა, რადგან ჩამორჩენა 11 ქულამდე ავიდოდა. თუმცა მოვლენები სხვაგვარად განვითარდა და 5 ქულიანი სხვაობის მიუხედავად სეზონი ახლა იწყება._წერს რობი სავაჯი.