ინგლისის ეროვნული ნაკრების თავდამსხმელმა უეინ რუნიმ განაცხადა, რომ მისი გუნდის მთავარი მიზანი, ბრაზილიაში მსოფლიო ჩემპიონატის მოგება იქნება.
როგორც ცნობილია ინგლისელები 1966 წლის შემდეგ არ გამხდარა მსოფლიო ჩემპიონი. მაგრამ რუნი თვლის, რომ მის ეროვნულ ნაკრებს შესწევს იმის ძალა, რათა ეს მუნდიალი შემდეგ ზაფხულს მოიგოს.
"ჩვენ შევეცდებით იმის გაკეთებას, რაც 1966 წლიდან ინგლისმა ვეღარ შეძლო. გავაკეთებთ ყველაფერს, რომ ეს ტიტული მოვიგოთ. ეს ჩვენთვის მთავარი მიზანია და ამის განხორციელებას შევეცდებით. ჩვენ ძალიან კარგად გავიარეთ პირველი ეტაპი. ჩვენი დავალება, ჯგუფში პირველ ადგილზე დასრულება გახლდათ, რისი გაკეთებაც შევძელით."
"ზოგიერთ მატჩში შესანიშნავი ფეხბურთი ვაჩვენეთ, ხოლო ზოგიერთში უბრალოდ შედეგზე ვითამაშეთ. ჩვენ ყველაფრით კმაყოფილები ვართ, რაც გავაკეთეთ." – განაცხადა უეინ რუნიმ FA–ს ოფიციალურ საიტთან.