უეინ რუნიმ ვრცელი ინტერვიუ მისცა United Review-ს.
უეინ რუნის სჯერა, რომ "მანჩესტერ იუნაიტედმა" სეზონის კარგ მომენტში მოახერხა ფორმაში ჩადგომა და დარწმუნებულია, რომ ასეთი ფორმით გუნდი ადვილად გაივლის ნოემბრის და დეკემბრის თამაშებს.
United Review-სთან ექსკლუზიურ ინტერვიუში "ოლდ ტრაფორდზე", 28 წლის ნახევარმცველმა ასევე ისაუბრა მისი და რობინ ვან პერსის დუეტზე.
დევიდ მოიესმა განაცხადა, რომ შენ და რობინ ვან პერსი შესანიშნავ დუეტს ქმნით. შენ რას ფიქრობ ამის შესახებ?დიახ, რა თქმა უნდა. ჩემი აზრით ყველა ფორვარდი ცდილობს რომ კარგად იმოქმედოს მეწყვილესთან, ერთად შექმნან და გაიტანონ გოლები. გუნდისთვის ძალიან კარგია თუ მე და რობინ ვან პერსი ერთად ბევრ გოლს გავიტანთ და თამაშებს მოვიგებთ. ჩვენ, როგორც ფეხბურთელებს ძალიან მოგვწონს ასეთი სტილით თამაში. ჩვენ ორივე კრეატიული ფეხბურთელები ვართ და ჩემი აზრით, სწორედ ამიტომ ვუგებთ ერთმანეთს ასე კარგად. სეზონი კარგი ფორმით დავიწყეთ, თუმცა ჩვენ ყოველთვის ვცდილობთ უკეთესები გავხდეთ.
ეს პარტნირობა ბუნებრივად მოდის, თუ "აონის" სავარჯიშო კომპლექსზე ხშირი ვარჯიშის შედეგია? ეს ცოტ-ცოტა ორივეს დამსახურებაა. ჩვენ ორივე საკმაოდ კარგი ფეხბურთელები ვართ და შეგვიძლია ნებისმიერ სიტუაციაში გავიაროთ ადაპტაცია, ორივეს შეგვიძლია ვითამაშოთ ცენტრალური ფორვარდის პოზიცაზე ან ფლეიმეიქერად. თუმცა არ უნდა დაგვავიწყდეს ჩიჩარიტო, რომლსაც გოლის გატანის შესანიშნავი სტატისტიკა აქვს და ასევე დენი უელბეკი, რომელიც გუნდისთვის დიდი ძალაა. მათაც სურთ თამაში და გოლების გატანა.
როგორც ჩანს, თქვენ ახერხებთ სასურველ ფორმაში ჩადგომას რთული სტარტის შემდეგ...ჩვენ ბოლო თამაშები იმაზე უკეთ ვითამაშეთ, ვიდრე სეზონის დასაწყისში. ჩვენ ვახერხებთ მწვრთნელის იდეების მოედანზე განხორციელებას. საბოლოოდ ვაკეთებთ იმას, რაც მწვრთნელს ჩვენგან სურს. ჩვენ კარგი სერია გვაქვს ამ წუთისთვის და ვფიქრობ ნოემბერი და დეკემბერი ძალიან მნიშვნელოვანი თვეებია ჩვენთვის. ჩვენ გველოდება ბევრი თამაში და გვსურს ამ ორ თვეში კარგი შედეგები ვაჩვენოთ.
ბევრმა თქვა, რომ "სტოკ სიტისთან" 2-1 ანგარიშიდან შემობრუნება გადამწყვეტი მომენტი აღმოჩნდა..."სტოკთან" თამაში შეიძლება არ ყოფილა ჩვენი საუკეთესო მატჩი, მაგრამ ჩვენ ვაჩვენეთ ჩვენი სულისკვეთება და გამარჯვებისკენ სწრაფვა. შესვენების დროს ყველამ ვიცოდით, რომ ეს თამაში აუცილებლად უნდა მოგვეგო. სამი ქულის გარდა არანაირი შედეგი არ დაგვაკმაყოფილებდა. უკვე დაკარგული გვქონდა ბევრი ქულა და არ გვინდოდა მსგავსი რამ განმეორებულიყო. ჩვენ ბოლომდე ვიბრძოლეთ, მოედნის ყველა ადგილას ვმოქმედებდით დისციპლინირებულად და საბოლოოდ მოვახერხეთ მატჩის შემობრუნება. ეს იყო კარგი შედეგი ჩვენთვის და დიდი გავლენა მოახდინა ჩვენზე, ამაში დარწმუნდებით, თუ შემდგომ შედეგებს გადახედავთ.
რას ფიქრობ შენი სათამაშო ფორმის შესახებ? ალბათ კმაყოფილი უნდა იყო შენი თამაშით...მე ყოველთვის ვამბობ, რომ მხოლოდ ფეხბურთის თამაში მსურს. ეს სეზონი კარგად დავიწყე, მოვახერხე რამდენიმე გოლის გატანა და ასევე ვცდილობ საგოლე მომენტები შევუქმნა თანაგუნდელებს. მე კმაყოფილი ვარ ჩემი ფორმით და მსურს გუნდს დავეხმარო ცხრილის სათავეში დაბრუნებაში. ეს ყველა ჩვენგანის მიზანია და კარგი იქნება ამაში წვლილს მეც თუ შევიტან.