"მანჩესტერ იუნაიტედის" გამოცდილ ვინგერს მიაჩნია რომ ადნან იანუზაის და ვილფრიდ ზაჰას შესაძლებლობა აქვთ გახდნენ კლუბის ახალი ვარსკვლავები. ორივე მათგანს უკვე ჰქონდა დებიუტი "ეშმაკუნების" მაისურებით და აგრძელებენ იმ დიდ ტრადიციას, რომელიც ახალგაზრდების ნდობით არის ცნობილი. იანუზაიმ უკვე მოახერხა თავის გამოჩენა. მეტიც, იგი არჩეულ იქნა ოქტომბრის საუკეთესო მოთამაშედ Manutd.com-ის გამოკითხვით.
ნანი, რომელმაც მოიგო 7 ღირსეული ჯილდო გუნდთან ერთად და გაიტანა 40 გოლი 222 შეხვედაში, აქებს მის თანაგუნდელებს და აღიარებს, რომ სულაც არ არის გაკვირვებული იმით, რომ ზაჰა და იანუზაი აქტიურად ცდილობენ ოლდ ტრაფორდზე თავის დამკვიდრებას.
"ორივე შესანიშნავი ფეხბურთელია, შესანიშნავი შესაძლებლობებით"- აცხადებს ნანი Manutd.com თან ინტერვიუში. "აგრეთვე ორივე კარგი ხასიათებით გამოირჩევა."
"მათ შანსი მიეცათ თავის გამოჩენისა და გაამართლეს კიდეც იმედები, ვინაიდან ზაჰაც და იანუზაიც ნიჭიერი ახალგაზრდები არიან. ნორმალურია, როდესაც ხედავ ახალგაზრდა ფეხბურთელს, რომელიც გაცემულ ავანსებს ამართლებს. ეს ყველაფერი კი კარგი მენტალიტეტის და ხასიათების დამსახურებაა."
თავად ნანის მნიშვნელოვანი მატჩი ელის პორტუგალიის ეროვნული ნაკრების შემადგენობაში, რომელიც შვედეთის ნაკრებს დაუპირისპირდება პარასკევს ფლეი-ოფში. ლუქსემბურგის ნაკრებთან გამარჯვების შემდეგ (3-0) "ეშმაკუნების" ვინგერი იმედოვნებს რომ მისი ქვეყნის გუნდი პროგრესს განაგრძობს და მოხვდება მსოფლიო ჩემპიონატზე.