როგორც The Daily Mail იტყობინება, სერ ალექს ფერგიუსონი მრავალწლიანი მიღწევებისთვის მიიღებს ჯილდოს BBC-ის ყოველ წლიურ ცერემონიაზე "წლის ადამიანები სპორტის სამყაროდან", რომელიც 15 დეკემბერს ლიდსში გაიმართება.
გარდა ამისა, გამოცემის მიხედვით ფერგიუსონი შეიძლება BBC-ის ექსპერტის ამპლუაში მოგვევლინოს ბრაზილიის მსოფლიო ჩემპიონატზე, რაც დაასრულებს გაუთავებელ ბრძოლას ტელეკომპანიასა და "იუნაიტედის" ყოფილ მწვრთნელს შორის.
შეგახსენებთ, რომ სერ ალექსმა 2004 წელს ბოიკოტი გამოუცხადა BBC-ის მას შემდეგ, რაც მათ გამოაქვეყნეს დოკუმენტური ფილმი მისი შვილის აგენტური საქმიანობის შესახებ და მას შვიდი წლის განმავლობაში უწევდა ჯარიმის გადახდა ტელეკომპანიის ჟურნალისტებთან კომენტარის გაკეთების უარყოფის გამო. შერიგება მოხდა 2011 წელს და პრემიის გადაცემა საბოლოოდ დაასრულებს კონფლიკტს.
ფერგიუსონი გახდება პირველი სპეციალისტი, რომელმაც ეს პრიზი ორჯერ მოიგო, მან უკვე მოახერხა ამ პრიზის აღება 2001 წელს. სერ ალექსთან ერთად ეს პრემია მიღებული აქვთ ჯორჯ ბესტს, მარტინ ნავრატილოვს, პელეს, სერ ბობი რობსონს, სერ ბობი ჩარლტონსა და დევიდ ბექჰემს.