ფილ ჯონსი ფიქრობს, რომ "არსენალთან" გამარჯვებამ გააჩუმა ძალიან ბევრი კრიტიკოსი, რომელთაც "მეთოფეები" მატჩის ფავორიტად დაასახელეს. თუმცა საბოლოოდ საწინაღმდეგო მოხდა, "იუნაიტედმა" მოიგო თამაში და სხვაობა 5 ქულამდე შეამცირა.

ინგლისელმა ფეხბურთელმა თამაში ჩამშელელი ნახევარმცველის პოზიციაზე დაიწყო, თუმცა ვიდიჩის ტრამვის შემდეგ იძულებული იყო უკან დაწეულიყო. 21 წლის მცველი, რომელიც შესანიშნავად გაისარჯა ორივე პოზიციაზე, ფიქრობს, რომ ბევრს "იუნაიტედი" განწირული ეგონა სეზონის ცუდი სტარტის გამო.

"როცა ხალხს ჩვენში ეჭვი ეპარება, ჩვენ მოედანზე ვანახებთ მათ ჩვენს შესაძლებლობებს და ვამტკიცებთ, თუ რატომ ვართ წინა სეზონის ჩემპიონები." განუცხადა ჯონსმა PA Sport-ს. "ჩვენ ჩემპიონები უბრალოდ არ გავმხდარვართ. ჩვენ დავიმსახურეთ თითოეული ის ქულა რომელიც გასულ სეზონში ავიღეთ. ახლა კი სწორი მიმართულებით გადავდგით ნაბიჯი ასეთ რთულ პერიოდში."

"ხალხს უნდა, რომ ჩვენ ჩავფლავდეთ, რადგან ლიგა უამრავჯერ მოვიგეთ. 'იუნაიტედი' ამას ჩემს მოსვლამდე ბევრად დიდი ხნის წინ აკეთებდა. ყველას ეზიზღება საუკეთესო კლუბები, ეს მარტივია. ჩვენ ეს მოგვწონს და ვაბარებთ ყველა ტესტს, რომელიც კვირიდან კვირამდე გვხვდება."

ჯონსი ფიქრობს, რომ "წითლებმა" დაიმსახურეს მოგება, მიუხედავად იმისა, რომ მეორე ტაიმში დიდი ხნით უწევდათ თავის დაცვა.

"ყველამ თავისი მაქსიმუმი გამოავლინა და ბოლომდე იბრძოლა." დაამატა მან. "ჩვენ ნამდვილად ვიმსახურებდით სამ ქულას. მწვრთნელი მთელი კვირა გვამზადებდა. ის ინდივიდუალურად მიდიოდა ყველა ფეხბურთელთან და ძალიან კარგად მოგვამზადა ამ მატჩისთვის. როგორც ნახეთ ამან იმუშავა."

"ეს ისეთი თამაშების სიას მიეკუთვნება, სადაც მნიშვნელობა არ აქვს სად თამაშობ, მთავარია მოედანზე ხარ. იყო უმრავი ფეხებში ვარდნა, თუმცა ხშირად ფეხბურთელები ახერხებდნენ წონასწორობის შენარჩუნებას. ამიტომ ასეთი ბრძოლების მოგება ძალიან სასიამოვნო იყო."