გუშინ გამართულ შეხვედრაში რობინ ვან პერსიმ გამარჯვების გოლი გაიტანა თავისი ყოფილი გუნდის კარში და დაეხმარა "წითელ ეშმაკუნებს" შეემცირებინათ სხვაობა ცხრილის სათავეში მყოფ "არსენალთან". აგრეთქვე ქულები დაკარგა "ჩელსიმ", "ტოტენჰემმა" და "მანჩესტერ სიტიმაც" კი და ამ ყველაფერზე მატჩის გმირმა, უეინ რუნიმ კომენტარი გააკეთა.
"ვიცოდით რომ ყველაფრის ფასად უნდა მოგვეგო." აცხადებს რუნი SkySPORT-თან ინტერვიუში."ჩვენ დაცვაშიც ძალიან კარგად ვითამაშეთ და საჭირო 3 ქულა მოვიპოვეთ. ეს არის ნიშანი იმისა, რომ "იუნატედს" დანებება არასოდეს ჩვევია. გაანალიზებული გვქონდა ის ფაქტიც, რომ თუ წავაგებდით "არსენალთან" სხვაობა 11 ქულა გახდებოდა. გუშინდელ და სხვა მატჩებში გამარჯვება თვითდაჯერებულობას გვმატებს, რომელიც საბოლოოდ გვეხმარება კარგი შედეგის მიღწევაში. ჩვენ ვიცოდით რომ არსენალის ფეხბურთელები სიმაღლით არ გამოირჩევიან და მატჩამდე ჯარიმებსა და კუთხურებში ვივარჯიშეთ, რაც საბოლოო ჯამში დაგვიფასდა."
სხვა მხრივ, დევიდ მოიესის შეგირდებმა ბოლო 6 მატჩიდან 5 მოიგეს და განაგრძობენ წაუგებელ სერიას რომელიც ჯერ 9 მატჩს მოიცავს ყველა ჩემპიონატის ეგიდით.
"ეს ფაქტი კიდევ უფრო გვეხმარება რწმენის შენარჩუნებაში. შესანიშნავი უიქენდი გამოდგა, იმისათვის რომ ჩვენ საკუთარ ნაკრებებს დავეხმაროთ და უკან კვლავ მოტივირებულები დავბრუნდეთ. ახალ წლამდე დიდი დრო არ დარჩა და ჩვენი მიზანი სწორედ ცხრილის სათავეში ყოფნაა "ბოქსინგ დეის" პერიოდში." - დაასრულა რუნიმ.