უეინ რუნიმ შეაქო "მანჩესტერ იუნაიტედის" გულშემატკივრები და განაცხადა, რომ აუცილებელი იქნება მათი მხარდაჭერა "არსენალთან" მატჩში.

"ოცნებების თეატრში" ბევრად გაუმჯობესდა გარემო, მას შემდეგ, რაც "სოსიედადთან" მატჩში მომღერალი სექტორი სხვა ადგილას გადავიდა. ექსპერიმენტის მიზანი იყო გაეძლიერებინა გულშემატკივრების ხმა.

როგორც აღმოჩნდა, ეს ექსპერიმენტი გამართლდა და მოედანზე ატმოსფერო ბევრად გაუმჯობესდა, ეს ალბათ ნაწილობრივ სერ ალექს ფერგიუსონის დამსახურებაცაა, რომელმაც გულშემატკივრებს მოუწოდა, რომ დამდგარიყვნენ ახალი მწვრთნელის გვერდით.

United Review-სთან საუბარში უეინ რუნიმ განაცხადა, რომ "ოლდ ტრაფორდი" ისეთი ხმაურიანია როგორც არასდროს და იმედოვნებს, რომ მათი მხარდაჭერა სულს ჩაუდგამს "იუნაიტედის" გამარჯვებას.

"გულშემატკივრები როგოც ყოველთვის ფანტასტიურები არიან და ძალიან ეხმარებიან ფეხბურთელებს" განაცხადა უეინმა. "ჩვენ ყოველთვის ვამბობთ, რომ ასეთი დიდი მატჩების დროს 'ოლდ ტრაფორდზე' შესანიშნავი ატმოსფერო და დიდი მხარდაჭერაა."

"ეს ყოველთვის გვაძლიერებს და კარგ გარემოს გვქიმნის სათამაშოდ. ჩვენ ვცდილობთ შესაბამისად ვუპასუხოთ ამ მხარდაჭერას. ვიცი, რომ ზოგჯერ გულშემატკივრებს სურთ ფეხბურთელებმა ისინი გაახარონ, თუმცა რაც უფრო დიდი იქნება მათი მხარდაჭერა უკეთესი იქნება თამაშიც."

"ნამდვილად შესანიშნავია ზურგში 'იუნაიტედის' ფანების ყოლა და რაც უფრო ხმაურიანია 'ოლდ ტრაფორდი', მით უფრო აშინებს ეს მოწინააღმდგეს. ამიტომ ეს მხარდაჭერა ჩვენთვის სასიცოცხლოდ მნიშვნელოვანია."

"იუნაიტედი" ამჟამად რვა ქულით ჩამორჩება "არსენალს" "პრემიერ ლიგის" ცხრილში და რუნი და მისი თანაგუნდელები იმედოვნებენ, რომ ისინი მოახერხებენ სხვაობის შემცირებას და სატიტულო ბრძოლაში ჩართვას.

"ასეთ თამაშებში მოგება ყოველთვის ძალიან მნიშვნელოვანია" დაამატა უეინმა. "არსენალის' რვა ქულით ლიდერობა მეტისმეტია. ჩვენ არ ვაპირებთ მათ კიდევ ერთი სამი ქულის აღების საშუალება მივცეთ."

"მიუხედავად იმისა, რომ ჯერ მხოლოდ სეზონის დასაწყისია და ადრეულია დასკვნების გამოტანა. ჩვენ ყველას გვესმის, რომ ეს დიდი მატჩია. დღეს მოგება დიდი იმპულსი იქნება ჩვენთვის მთელი სეზონის განმავლობაში."