დევიდ მოიესი მოხარულია იმით, რომ გუნდს ჰყავს ბევრი მაღალი დონის მცველი. "რა თქმა უნდა ნებისმიერ მწვრთნელს სურს, რომ ჰყავდეს ჩამოყალიბებული ძირითადი შემადგენლობა. მაგრამ როდესაც შენ გყავს 5 ცენტრალური მცველი, ყველა უნდა გამოიყენო. მათგან რამოდენიმეს ტრავმა ჰქონდა, ამიტომ ჩვენ იძულებულები ვიყავით დაცვის ყველა წევრი გვეთამაშებინა." - ციტირებს მოიესს გუნდის ოფიციალური საიტი. მოიესმა ასევე აღნიშნა ისიც, რომ ბოლო ხუთ მატჩში გუნდმა მხოლოდ სამი გოლი გაუშვა. "მოხარული ვარ, რომ მცველები ასე დამაჯერებლად მოქმედებენ. ამაზეა დამოკიდებული საბოლოო შედეგი. ბოლო მატჩებში დაცვაში კარგად ვმოქმედებთ და ბევრ ბურთს არ ვუშვებთ." - განაცხადა მოიესმა.