ფილ ჯონსი გამოტყდა, რომ მოუთმენლად ელის "არსენალთან" მატჩს და იმედოვნებს, რომ "ოლდ ტრაფორდის" გარემო დაეხმარება გუნდს "პრემიერ ლიგის" ლიდერების დამარცხებაში. ბოლოს არსენ ვენგერის შეგირდებმა "ოლდ ტრაფორდზე" გამარჯვება 2004 წელს შეძლეს და მიუხედავად იმისა, რომ "მეთოფეები" განუწყვეტლივ ცდილობენ ტიტულის მოგებას, სეზონის კარგ სტარტს მათთვის წარმატება ჯერ არ მოუტანია.
"არსენალმა" სარეკორდო თანხით მესუთ იოზილის ყიდვით სერიოზული ნაბიჯი გადადგა "პრემიერ ლიგის" მოგებამდე. თუმცა ჯონსი, რომელმაც უკვე მოახერხა "იუნაიტედის" მაისურით ტიტულის აღმართვა, მთლიანად მზადაა კვირას გასამართი მატჩისთვის.
"მე ვიყავი ძალიან გაკვირვებული, ისევე როგორც ყველა ჩემს გარშემო." - განაცხადა 21 წლის მცველმა "არსენალის" კარგ სტარტზე. "სეზონის დასაწყისში არ ველოდით, რომ მოვლენები ასე განვითარდებოდა, თუმცა 'მეთოფეები' ნამდვილად შესანიშნავად ირჯებიან. მიუხედავად ამისა, ვიმედოვნებ, რომ მათ გავუმკლავდებით. შუა კვირაში 'დორტმუნდის' დამარცხების შემდეგ 'არსენალის' ფეხბურთელები სრული თავდაჯერებულობით ჩამოვლენ , თუმცა მათ სრულიად განსხვავებული მატჩი ელოდებათ, სრულიად განსხვავებულ გარემოში. ვიმედოვნებ, 'ოლდ ტრაფორდის' მაყურებელი დაგვეხმარება წარმატების მიღწევაში და შევძლებთ სამი ქულის აღებას."
"როცა სეზონის დასაწყისში მატჩების განრიგს აცხადებენ, სწორედ ასეთ მატჩებს ველით ყველაზე მეტად." - დაამატა ჯონსმა. "არსენალმა' შესანიშნავი ფორმა აკრიფა და მათთან გამკლავება ადვილი არ იქნება. ეს იქნება ძალიან რთული თამაში, მაგრამ ვიმედოვნებ, რომ ჩვენ მოვახერხებთ გამარჯვების მოპოვებას."