დევიდ მოიესი გამოტყდა, რომ ადრეულად დაიწყო მარუან ფელაინის გამოყენება და იმედოვნებს, რომ უახლოეს პერიოდში ბელგიელი თავის ნამდვილ სახეს დაანახებს ყველას.

"მე ვნახე მისი თამაში და დავინახე, რომ ის არ არის სრულად მზად." - გადმოგვცემს მოიესის სიტყვებს ოფიციალური საიტი. "მე მომიწია მისი მოედანზე გამოყვანა იმაზე ადრე, ვიდრე ეს მსურდა. მე ვგეგმავდი ის გუნდში უფრო ნელა შემეყვანა, რათა შანსი მიცემოდა უკეთესად გაეცნო ახალი გარემო. მაგრამ მე მომიწია მისი აქტიურად გამოყენება, რადგან ეს აუცილებელი იყო. არ მგონია, რომ ის სათამაშოდ მზად ყოფილიყო, თუმცა ბოლო თამაშში "სოსიედადთან" ის კარგად მოქმედებდა."

ბოსმა ასევე უარყო ჭორები იმის შესახებ, რომ "იუნაიტედი" ცდილობდა მესუთ იოზილის ყიდვას და განაცხადა, რომ კლუბის სატრანსფერო ინტერესებში არ შედიოდა გერმანელის ყიდვა.

"ჩვენ არ ვყოფილვართ ახლოს მის გაფორმებასთან, როგორც ამას გაზეთები წერენ. ჩვენ საუბრებში მისი სახელი მხოლოდ მას შემდეგ გაჩნდა, რაც ის 'არსენალს' შეუერთდა. იმ მომენტში ჩვენ არ გვჭირდებოდა ფეხბურთელი მის პოზიციაზე. მის შემცვლელად ჩვენ გვყავს უეინ რუნი და შინჯი კაგავა, პლიუს ამას მომავალში შეგვიძლია ვათამაშოთ ადნან იანუზაი. ასე რომ, ჩვენ არ გვჭირდებოდა მისი ამპლუის ფეხბურთელი, ჩვენ სხვა პოზიციის გაძლიერება გვესაჭიროებოდა. მე არასდროს არ მითქვამს, რომ დაინტერესებული ვიყავი იოზილით, ეს მხოლოდ ჭორებია."

წყარო: ManUtd.ru