უეინ რუნის არაერთი მნიშვნელოვანი გოლი აქვს გატანილი "არსენალის" წინააღმდეგ და თვლის, რომ არსენ ვენგერს და მის გუნდს უნდა ეშინოდეს მისი. უეინმა ინგლისს თავი გააცნო 2002 წელს "მეთოფეებთან" გატანილი გოლით, მაშინ ის "ევერტონში" ირიცხებოდა. ორი წლის შემდეგ მან გამოიმუშავა პენალი, რომელიც ნისტელროიმ გამოიყენა, შემდეგ კი თვითონვე გაიტანა გოლი, რითიც დაასრულა "არსენალის" 49 მატჩიანი წაუგებელი სერია. მან ასევე თავისი მეასე გოლი გაიტანა "მეთოფეების" კარში. მთელი კარიერის განმავლობაში კი მას ყველაზე მეტჯერ სწორედ ეს ლონდონური გუნდი ჰყავს დამწუხრებული.

"არსენალი' ხშირად ცდება და ხშირად მაძლევს საშუალებას განვახორციელო დარტყმა, ასეთი დონის გუნდისთვის ეს ცოტა უცნაურია. მე დარწმუნებული ვარ, რომ დრო და დრო მათ ეშინაით ჩემი." ციტირებს რუნის სიტყვებს The Daily Mail. "პირველი გოლი მათ წინააღმდეგ 'ევერტონის' მაისურით, ახლანდელივით მახსოვს, მიუხედავად იმისა, რომ უკვე დიდი დრო გავიდა. ეს ჩემთვის ძალიან მნიშვნელოვანი გოლი იყო, პლიუს ამას მათ 32 მატჩი არ ჰქონდათ წაგებული ამ მატჩამდე. ასევე არასდროს დამავიწყდება 2004 წლის თამაში."

"მაშინ ამ მატჩის გარშემო უამრავი ლაპარაკი იყო, იმასთან დაკავშირებით, რაც ერთი წლის წინ რუუდ ვან ნისტელროის შეემთხვა. არ მახსოვს, რომ როდესმე ასე მენერვიულა მატჩის წინ. 'არსენალი' ფანტასტიური გუნდი იყო და ძალიან სასიამოვნო იყო მათი 2:0 დამარცხება და მათი სარეკორდო სერიის დასრულება."

"ამ მატჩში გამარჯვება ძალიან დიდი იმპულსი იქნება ჩვენთვის. დიახ, 'არსენალი' კარგ ფორმაშია, თუმცა ჩვენც შევდივართ სასურველ ფორმაში და კარგი შანსი გვაქვს შევამციროთ სხვაობა."

"მე ადრე უკვე ავღნიშნე, რომ საინტერესო იქნება შეძლებენ თუ არა ისინი სათავეში დარჩენას. ბოლო შვიდი-რვა წელი ისინი ეთიშებოდნენ სატიტულო ბრძოლას. რა თქმნა უნდა, ისინი ახლა უკეთესად გამოიყურებიან, ისინი უფრო ძლიერები გახდნენ და გვესმის, რომ უნდა ვაჩვენოთ კარგი ფეხბურთი რათა დავამარცხოთ ისინი, მაგრამ ჩვენს გუნდს ეს შეუძლია."

"მათ წინააღმდეგ თამაშის დროს ყოველთვის დიდ სიამოვნებას ვიღებ, ეს ყოველთვის დიდი დაპირისპირებაა. ვიმედოვნებთ, რომ კვირას სასურველ შედეგს მივაღწევთ. საინტერესო იქნება იმის ნახვა, თუ რა მოხდება."