ინგლისის პრემიერ-ლიგაში საკმაოდ ცნობილი მწვრთნელი მარტინ ონილი ირლანდიის ნაკრებს უხელმძღვანელებს. დამხმარედ ონილმა "მანჩესტერ იუნაიტედის" ლეგენდარული ფეხბურთელი როი კინი წაიყვანა. მარტინ ონილმა განაცხადა: "მე ძალიან გახარებული ვარ იმით, რომ ნაკრების გაწვრთნის შანსი მომეცა. სულმოუთქმელად ველი მუშაობის დაწყებას. მე ძალიან გამიმართლა, რადგანაც ჩემთან ერთად იქნება ისეთი დიდებული ფეხბურთელი და ადამიანი, როგორიც როი კინია. ეს მნიშვნელოვანია არამხოლოდ ჩემთვის არამედ მთელი ირლანდიის ნაკრებისთვის, რომელსაც მშვენიერი სპეციალისტი ჰყავს როი კინის სახით." - ციტირებს ონილის სიტყვებს theguardian.com.
ამ ყველაფერზე კომენტარი გააკეთა თვით როი კინმაც: "მე ვამაყობ იმით, რომ მარტინმა ასეთი თანამდებობა შემომთავაზა. მე ძალიან მინდა მუშაობის დაწყება და გუნდის გაწვრთნა ეურო 2016-ის შესარჩევი მატჩებისათვის." - განაცხადა როიმ.