კრის სმოლინგი თვლის, რომ "მანჩესტერ იუნაიტედი" არის ფავორიტი "არსენალთან" მატჩში, რომელიც "პრემიერ ლიგის" ეგიდით კვირას გამიართება.

არსენ ვენგერის შეგირდებმა შესანიშნავად დაიწყეს სეზონი და "ოლდ ტრაფორდზე" "პრემიერ ლიგის" ლიდერის სტატუსად ჩადიან. თუმცა, მიუხედავად იმისა, რომ "წითლებს" რთული სტარტი ჰქონდათ, მათ მოახერხეს თამაშის გამოსწორება და რვა მატჩია დაუმარცხებლები არიან.

კრის სმოლინგი თვლის, რომ მის გუნდს შეუძლია კვირას "მეთოფეების" დამარცხება და 8 ქულიან სხვაობის შემცირება.

"ჩვენ თამაშს თავდაჯერებულები ვხვდებით." განუცხადა კრისმა ManUtd.com-ს. "ჩვენ ფრედ ვითამაშეთ 'რეალ სოსიედადთან', თუმცა უამრავი შანსი გვქონდა თამაშის მოსაგებად და ვფიქრობ ჩვენ ძალიან თავდაჯერებულები გავხდით წაუგებელი სერიით. ჩვენ ვთამაშობთ 'ოლდ ტრაფორდზე', ამიტომ ამ თამაშის მოგებას ვაპირებთ."

"მე არ მგონია, რომ ამ ეტაპზე არის რომელიმე აუცილებლად მოსაგები თამაში, თუმცა ეს ნამდვილად მნიშვნელოვანი მატჩია. ჩვენ ვთამაშობთ სახლში და ფავორიტებიც ჩვენ უნდა ვიყოთ. უნდა დავანახოთ მათ, რომ ის გუნდი ვართ, რომელსაც შეუძლია გამარჯვება და ცხრილის სათავეში დაბრუნება."

"არსენალი" "ოცნებების თეატრს" კარგი ფორმით ხვდება, აღსანიშნავია მათი შემტევი ტრიო: აარონ რემსი, მესუთ იოზილი და ოლივიე ჟირუ. თუმცა სმოლინგმა განაცხადა, რომ ამ სამ ფეხბურთელზე დაკვირვების მაგივრად მისი გუნდი თავის თამაშზე კონცენტრირდება.

"ჩვენ ვუყრებთ ვიდეოებს და ვხედავთ, რომ ისინი შესანიშნავად ასპარეზობენ. როგორც მცველი, შევეცდებით მათ მოქმედების არეალი შევუზღუდოთ, მაგრამ ამაზე ბევრს არ ვიფიქრებთ. როგორც გუნდი, ისინი შესანიშნავად თამაშობენ. თუმცა ჩვენ ვიპოვით მათ უარყოფით მხარეებს და სისუსტეებს, შემდეგ კი შევეცდებით დავსაჯოთ ისინი."

წყარო: ManUtd.com