უეინ რუნი დარწმუნებულია, რომ მისი გუნდი შეძლებს "არსენალის" დამარცხებას და შეამცირებს სხვაობას "პრემიერ ლიგის" პირველ ადგილოსანთან.
გუნდს პრობლემები ჰქონდა სეზონის დასაწყისში, თუმცა მათ მოახერხეს თამაშის გაუმჯობესება და 8 მატჩიანი წაუგებელი სერია აქვთ ყველა ტურნირზე ერთად.
სწორედ ასეთი ფორმით უმასპინძლებენ "წითლები" "არსენალს", რომელმაც სეზონი შესანიშნავად დაიწყო. თუმცა რუნი დარწმუნებულია, რომ ფორმაში შესულ "იუნაიტედს" შეუძლია არსენ ვენგერის შეგირდების დამარცხება.
"ჩვენ შეგვიძლია 'არსენალის' დამარცხება, ჩვენ ეს არაერთხელ გვიქნია წარსულში." განუცხადა უეინმა Press Association-ს და ManUtd.com-ს.
"ისინი კარგ ფორმაში იმყოფებიან და ცხრილის სათავეში არიან, ამიტომ ვიცით, რომ რთული მატჩი გველის. მაგრამ ჩვენ თამაშს თავდაჯერებულები უნდა შევხვდეთ, უნდა გვჯეროდეს, რომ შეგვიძლია მათი დამარცხება და ისევ ცხრილის სათავეში დაბრუნება.""არსენალის" ტიტულის მისწრაფებაზე, უეინმა განაცხადა:
"დავიცადოთ და ვნახოთ სად იქნებიან ისინი მარტში. ჩვენ გვინახავს შემთხვევები, როცა ისინი ორეულში იყვნენ თებერვლამდე ან მარტამდე, თუმცა მაინც ვერ ახერხებდნენ ტიტულის მოგებას, ამიტომ დიდი შრომა მოუწევთ პირველ ადგილზე დასარჩენად. ისინი ამ მომენტისთვის შესანიშნავად თამაშობენ და ჩვენ ვალდებულები ვართ მათ ავყვეთ."რუნი არ ღელავს "იუნაიტედის" ცუდ სტარტზე და დარწმუნებულია, რომ "წითლები" მოახერხებენ ახალი გუნდის აშენებას ახალ მენეჯერთან, დევიდ მოიესთან ერთად, რომლის მეთოდები უკვე დადებით შედეგს იძლევა.
"ჯერ მხოლოდ 10 თამაშია გასული და ამ მომენტისთვის სანერვიულო არაფერია." განაცხადა "იუნაიტედის" და ინგლისის თავდამსხმელმა.
"ჩვენ დავიწყეთ კარგად თამაში. თუ ჩვენ მოვახერხებთ კვირას გამარჯვების მოპოვებას კარგ პოზიციაზე აღმოვჩნდებით."
"ჩვენ ახალი სტრუქტურა და ახალი იდეები გვაქვს ახალი მენეჯერისგან. ჩვენ ვალდებულები ვართ მისი იდეების რეალიზება მოვახდინოთ საუკეთესოდ. ეს მცირედით განსხვავებულია, თუმცა ჩვენ უკვე ვახერხებთ იმის გაკეთებას რაც მენეჯერს სურს."
"რვა წაუგებელი მატჩი კარგი შედეგია. ჩვენ ძალიან თავდაჯერებულები ვართ, ვახერხებთ კარის მშარალად შენახვას და თავისუფლად ვთამაშობთ. ჩვენ ყოველ თამაშზე ვკონცეტრირდებით."წყარო:
ManUtd.com