"მანჩესტერ იუნაიტედის" მთავარმა მწვრთნელმა დევიდ მოიესმა განაცხადა, რომ ის არ აპირებს ჩიჩარიტოს კლუბიდან გაშვებას.
რამდენიმე დღის წინ გავრცელდა ინფორმაცია, თითქოსდა მექსიკელ თავდამსხმელს უკვე იანვრის ტრანსფერების დროს უნდა დაეტოვა "ოლდ ტრაფორდი". მიმდინარე სეზონში ხავიერი მხოლოდ ერთხელ მოხვდა "იუნაიტედის" სასტარტო შემადგენლობაში, ამიტომ უკმაყოფილობის მიზეზი, რათმაუნდა, გაჩნდებოდა.
დევიდ მოიესი კი ჩიჩარიტოს გაშვებას არ აპირებს, იმისდა მიუხედავად, რომ უეინ რუნი და რობინ ვან პერსი შესანიშნავ ფორმაში არიან. მწვრთნელი, ხავიერის გოლებზე ამყარებს დიდ იმედებს.
"ჩვენ დიდ იმედევს ვამყარებთ ხავიერ ერნანდესზე, რომელიც შესანიშნავად ასპარეზობს "წითლების" რიგებში. მან ბოლო რამდენიმე წელში უამრავი გოლის გატანა მოახერხა, ამიტომ ჩვენ ვაგრძელებთ ამ ფეხბურთელთან მუშაობას." - განაცხადა მოიესმა Sky Sports-თან.