ინგლისის ფეხბურთის ფედერაციამ ბრალდება წაუყენა "ფულემის" მცველს საშა რიტერს, რომელმაც "იუნაიტედთან" მატჩში ფეხი დააბიჯა ადნან იანუზაის. მატჩის არბიტრმა ნახა ვიდეო ჩანაწერი და მცველი ბრალდებულად სცნო.
რიტერი გახდა პირველი ფეხბურთელი, რომელიც ახალი საექსპერიმენტო წესებით იქნება განსჯილი, რომელიც მიმართულია მსგავსი შემთხვევების აღმოსაფხვრელად. მატჩის არბიტრმა განაცხადა, რომ ეს მომენტი ვერცერთმა მსაჯმა ვერ ნახა თამაშის განმავლობაში, თუმცა მათ ნახეს ვიდეო გამეორება რის შემდეგაც გადაწყდა, რომ "ფულემის" მცველი დაისჯება.
რიტერმა ბრალდებას უნდა უპასუხოს ბრიტანეთის დროით ხვალ, ექვს საათზე.