"მანჩესტერ იუნაიტედის" მთავარმა მწვრთნელმა დევიდ მოიესმა განაცხადა, რომ უეინ რუნი გუნდის ლიდერად ყალიბდება.
მიმდინარე სეზონში რუნი ნამდვილად თავის საუკეთესო ფორმისკენ მიდის. დევიდ მოიესმა კი ინგლისელ თავდამსხმელში კიდევ ახალი თვისებები შეამჩნია, რის შედეგადაც სულ რამდენიმე დღის წინ განაცხადა, რომ უეინი შესაძლოა "იუნაიტედის" მომავალი კაპიტანი ყოფილიყო.
"ახლა რუნი გუნდის დიდი ლიდერია. მას გუნდისთვის დიდი წარმატება მოაქვს და ლიდერის თვისებებიც აქვს, რასაც მოედანზე თქვენც კარგად დაინახავთ. მაშინაც კი, როდესაც გუნდი დიდი ანგარიშით იგებს თამაშს, ის ბრძოლას არ წყვეტს." - განაცხადა მოიესმა Daily Mirror-თან.