ნიკ პაუელი აგრძელებეს გოლების გატანას "უიგან ატლეტიკის" შემადგენლობაში. შაბათს, მან გამარჯვების გოლი გაიტანა "ჰატერსფილდის" წინააღმდეგ. მისმა გუნდმა 2-1 იმარჯვა. ეს ინგლისელის მეხუთე გოლი იყო მიმდინარე სეზონში, რითაც დაეხმარა "უიგანს" ასულიყო ჩემპიონშიპში მეათე ადგილზე. პაუელი "იუნაიტედმა" 2012 წლის ზაფხულში გაიფორმა. მან წინა სეზონში რამდენიმე მატჩი ჩაატარა ძირითად გუნდში, ასევე თამაშობდა რეზერვების შემადგენლობაში სადაც ნახევარმცველის ფუნქციებს ასრულებდა. "უიგანში" ის წარმატებით ასრულებს ცენტრალური ფორვარდის ფუნქციებს. "ლატიკსების" მთავარი მწვრთნელი, ოუენ კოილი ძალიან გახარებული და ამაყი იყო ახალგაზრდა ინგლისელის გამო. მან შეაქო ნიკი:"პაუელმა ულამაზესი გოლი გაიტანა. ის უძლიერესი ტალანტია და მჯერა, უმაღლეს დონეზე ითამაშებს მანჩესტერში და ინგლისის ეროვნულ ნაკრებში."
ასევე, ტაილერ ბლეკეტმა 90 წუთის განვმალობაში ითამაშა "ბლექპულის" შემადგენლობაში. მისმა გუნდა 1-0 მოუგო "ნოტინგემ ფორესტს". ეს ტაილერის პირველი მატჩი იყო "ბლექპულის" შემადგენლობაში. რაიან ტანიკლიფმა 90 წუთის განვმალობაში ითამაშა "იფსვიჩ თაუნის" შემადგენლობაში "ბოლტონის" წინააღმდეგ. მატჩი ფრედ, 1-1 დასრულდა. ჯესი ლინგარდმა გამოტოვა "ჩარლტონთან" მატჩი ტრავმის გამო.
ასევე საზღვარგარეთ ითამაშეს სხვა ახალგაზრდა ფეხბურთელებმა, რომლებიც "იუნაიტედმა" გაანათხოვრა. მარნიკ ვერმიილმა 90 წუთი ითამაშა "ნაიმეგენის" შემადგენლობაში ჰოლანდიური "ტვენტეს" წინააღმდეგ. ანხელო ენრიკესმა ითამაშა "ეიბარის" წინააღმდეგ, სადაც "რეალ სარაგოსამ" 3-2 იმარჯვა.დავიდ პეტრუჩი არ იყო "როიალ ანტვრეპენის" განაცხადში "როესელარის" წინააღმდეგ, ხოლო ბებეს "პაკოს დე ფერეირა" დღეს ითამაშებს "აროუკასთან".