"მანჩესტერ იუნაიტედის" მთავარმა მწვრთნელმა დევიდ მოიესმა განაცხადა, რომ მას არ ესიამოვნა ტრავმები, რომლებიც მისმა ფეხბუურთელებმა გუშინ საღამაოს "ფულჰემთან" მატჩის დროს მიიღეს. შეგახსენებთ, რომ "წითელმა ეშმაკუნებმა" მატჩი ანგარიშით 1-3 მოიგეს.
ყველაფერი უკვე მატჩის 22 წუთისთვის გადაწყდა, როდესაც უეინ რუნიმ მესამე გოლი გაუტანა "ფულჰემს". მეორე ტაიმის დასაწყისში კი დევიდ მოიეს მოუწია სამი იძულებითი შეცვლის გაკეთება. მან შეცვალა რაფაელი, ფილ ჯონსი და ტომ ქლევერლი.
"თუ სიმართლე გაინტერესებთ, ჩვენ ოთხი ტრავმირებული გვყავს. ტრავმა ასევე პატრის ევრამაც მიიღო მატჩში. ჯონი ევანსმა ზურგის ტრავმა მიიღო, რაფაელმა ტერფის, ტომს კი თვალზე შეექმნა პრობლემა. აღარაფერი არ დაგვრჩენოდა იმის გარდა, რომ შეცვლები გამოგვეყენებინა."
"ამ ცვლილებებმა იმოქმედა მეორე ტაიმზე, რომელშიც ისე ვერ ვითამაშეთ, როგორც პირველ ტაიმში. მაგრამ საბოლოოდ, ჩვენ ძალიან მნიშვნელოვანი გამარჯვება მოვიპოვეთ." - განაცხადა დევიდ მოიესმა Sky Sports-თან.