"იუნაიტედის" შესანიშნავი თამაში პირველ ტაიმში საკმარისი აღმოჩნდა "კრივენ კოტეჯზე" "ფულემის" დასამარცხებლად.
მარტინ იოლის შეგირდები ვერ გაუმკლავდნენ "იუნაიტედის" შეტევებს და 22 წუთზე სტუმრები უკვე 3-0 ანგარიშით ლიდერობდნენ, რობინ ვან პერსის, უეინ რუნის და ანტონიო ვალენსიას გოლების წყალობით.
ანგარიში გაიხსნა მეცხრე წუთზე, რუნის და ვან პერსის შესანიშნავი გათამაშების შემდეგ. ჰოლანდიელმა კარგად დაამუშავა ბურთი, შესანიშნავად შემოტრიალდა და რუნი კარგ პოზიაციაზე გაიყვანა. თავდამსხმელს შეეძლო თვითონვე დაესრულებინა ეპიზოდი, თუმცა მან გადაწყვიტა გაჩერებულიყო და პასი გაეკეთებინა უკეთეს პოზიციაში მყოფი ვალენსიასთვის, რომელმაც ზუსტად გამოიყენა შანსი.
შემდეგ "იუნაიტედის" ყოფილ თავდამსხმელს კარგი შანსი ჰქონდა გაეთანაბრებინა ანგარიში, თუმცა პარკერის შესანიშნავი პასის შემდეგ მან ვერ მოახერხა დაცვის გარღვევა. ლონდონელთა შეტევას უცბადვე უპასუხეს მოიესის შეგირდებმა. იანუზაიმ მოედნის ცენტრში აართვა ბურთი პარკერს და შესანიშნავი პასი გაუკეთა ვან პერსის, რომელიც ერთი ერთზე დარჩა და ძლიერი დარტმით აიღო "ფულემის" კარი. ამრიგად მეოცე წუთზე ანგარიში გახდა 2-0.
მეორე გოლიდან ორი წუთის შემდეგ კლევერლის შესანიშნავი პასის შემდეგ ბურთი მიუვიდა რობინ ვან პერსის, რომელმაც საგოლე გადაცემა გაუკეთა რუნის. მან კი შანსი შესანიშნავად გამოიყენა.
ტრამვების გამო მოიესი იძულებული გახდა გაეკეთებინა სამი ცვლილება. თამაშში ჩაერთვნენ მარუანე ფელაინი, შინჯი კაგავა და კრის სმოლინგი, რომელთაც შეცვალეს კლევერლი, რაფელი და ჯონსი.
65-ე წუთზე ლონდონელებმა შეძლეს ანგარიშის შემცირება. შეცვლაზე შემოსულ ალექსანდერ კაჩანიკლიჩის დარტმულ ბურთს გადაეღობა უეინ რუნი, რიკოშეტის შემდეგ ბურთი დე ჰეას კარში აღმოჩნდა. ბოლო წუთებზე კი შეცვლაზე შემოსულმა დარენ ბენტმა სცადა დე ჰეას კარის აღება თავურით, თუმცა ბურთი ხარიხამ აისხლიტა. საბოლოოდ "წითლებმა" დამსახურებული სამი ქულა აიღეს.