დევიდ მოიესმა განაცხადა, რომ "იუნაიტედის" ფეხბურთელებიდან ბევრი იმსახურებს ატაროს კაპიტნის სამკლაური. თუმცა, თავად შოტლანდიელი არ აპირებს შეცვალოს კაპიტანი. შეგახსენებთ, რომ ნევილის წასვლის შემდეგ "იუნაიტედის" კაპიტნის ღირსებას ნემანია ვიდიჩი იცავს.
"ეჭვგარეშეა, რომ უეინ რუნი კაპიტნობას იმსახურებს. მას ძალიან უყვარს ფეხბურთი, რომელიც მართლა საოცარია. იგი მოედანზე ნამდვილი ლიდერია და ვფიქრობ, "იუნაიტედის" მომავალი კაპიტანი სწორედ უეინი იქნება".
"მაგრამ, ამ მომენტში არ არის კაპიტნის შეცვლის აუცილებლობა. ვიდა, რიო, ევრა- ისინი ფენომენალური ადამიანები არიან. მათ დიდი ავტორიტეტი აქვთ გუნდში. ნემანიას დიდი გამოცდილება აქვს და ნამდვილად ღირსია ატაროს კაპიტნის სამკლაური"._განაცხადა მოიესმა.