"მანჩესტერ იუნაიტედი" ყურადღებით აგრძელებს "მადრიდის რეალისა" და გერმანიის ეროვნული ნაკრების ნახევარმცველის სამი ხედირაზე დაკვირვებას. "იუნაიტედის" ერთ-ერთ მთავარ სამიზნედ სწორედ ეს ნახევარმცველი ითვლება ზამთრის ტრანსფერებზე.
უკვე ცნობილი გახდა, რომ "იუნაიტედი" ამ ნახევარმცველის შეძენას ზაფხულის სატრანსფერო ფანჯრის დახურვამდე, რამდენიმე დღით ადრე შეეცადნენ, მაგრამ მადრიდელებს 40 მილიონი ევრო ეცოტავათ.
გასულ თვეში ესპანელი გამოტყდა, რომ თავს არც ისე კომფორტულად გრძნობს ესპანეთში და განაცხადა, რომ შესაძლოა ჯოზე მოურინიოს კვალს გაჰყვეს, რომელიც "რეალიდან" "ჩელსიში" გადავიდა.
"იუნაიტედს" ამ ფეხბურთელის შეძენა სერიოზულად აქვს განზრახული, რადგან, როგორც გამოცემა ESPN გვამცნობს, "ეშმაკუნების" მთავარმა მწვრთნელმა დევიდ მოიესმა სკაუტები სპეციალურად გააგზავნა მადრიდში "რეალისა" და "სევილიას" შეხვედრაზე.