"მანჩესტერ იუნაიტედის" მცველი რიო ფერდინანდი თვლის, რომ ჯერ ადრეა "ლივერპულის" თავდასხმის დუეტს, დანიელ სტარიჯსა და ლუის სუარეზს, "დიდებული" ვუწოდოთ.
ამ სეზონში, მიუხედავად იმისა, რომ დისკვალიფიკაციის გამო ლუისმა ექვსი მატჩი გამოტოვა, ამ წყვილმა 14 გოლი გაიტანა. ასეთი მაღალი შედეგების გამო, "ლივერპული" "პრემიერ ლიგის" სათავის სიახლოვეს იმყოფება.
თუმცა 34 წლის მცველი თვლის, რომ ჯერ ადრეა ამ წყვილის შეფასება.
"ამ ქვეყანაში და საერთოდ ფეხბურთში ხალხს უყვარს ფეხბურთელის რამდენიმე თამაშით შეფასება. არ ვამბობ, რომ მათი დუეტი შესანიშნავი არ არის. ამ მომენტში ზუსტად ამას ამტკიცებენ. ისინი თავის საუკეთესო ფეხბურთს აჩვენებენ და თამაშობენ ძალიან, ძალიან კარგად. მათ რამდენიმე შესანიშნავი გოლი გაიტანეს."
"თუმცა მე ვფიქრობ, რომ ისინი უნდა შევაფასოთ რაღაც პერიოდის შემდეგ. შეხედეთ იორკი კოულის, ან შერინგამი შირერის დუეტებს."
"ამ წყვილებს თავი მხოლოდ რაღაც პერიოდში ან ერთ სეზონში არ წარმოუჩენიათ. ისინი მაღალ დონეზე თამაშობდნენ დიდი დროის განმავლობაში. ამიტომ მე ვფიქრობ, რომ მათ დრო უნდა მივცეთ" - განაცხადა ფერდინანდმა BT Sport-თან ინტერვიუში.
სიახლეები, ინტერვიუები
5 კომენტარი
ინფორმაცია
ჯგუფ სტუმარი-ის წევრებს არ აქვთ კომენტარის დატოვების უფლება.