"წითელმა ეშმაკუნებმა" 2012/13 წლის სეზონი პრემიერ ლიგის თასის აწევით დაასრულეს. რაღა თქმა უნდა, ეს ჩემპიონობა სერ ალექს ფერგიუსონის ეპოქის დაგვირგვინება იყო. თუმცა ახალი მწვრთნელის მოსვლა გუნდზე ცუდად აისახა და დღეს "იუნაიტედი" რვა ქულით ჩამორჩება პირველ ადგილზე მყოფ "მეთოფეებს".

"ხმაურიანი მეზობლების" ერთ-ერთმა წამყვანმა ფიგურამ კი "იუნაიტედის" ამჟამინდელ მდგომარეობაზე ისაუბრა. ტურეს მიაჩნია რომ "ეშმაკუნებითვის" რთული ამოცანა იქნება ტიტულის შენარჩუნება, მითუმეტეს, როდესაც ახლა "ლივერპულიც" ძლიერად გამოიყურება და არ აპირებს ცხრილის სათავეში ვინმესთვის ადგილის დათმობას.

"ჩემი აზრით, "იუნაიტედს" გაუჭირდება გაჩემპიონება, მას შემდეგ რაც მათ ახალი მწრთნელი დაენიშნათ." -აცხადებს იაია The Sun-თან ინტერვიუში. "ახლა უკვე "ლივერპულიც" იბრძვის პრემიერ ლიგის ტიტულისთვის. მათ ძლიერი შემადგნლობა ჰყავთ. ლუის სუარესი და დანიელ სტარიჯი გოლებს საკუთარი სურვილისამებრ იტანენ."

გასული ტურის შედეგად "სიტი" მხოლოდ ორი ქულით ასწრებს "იუნაიტედს". მოგეხსენებათ რომ "ქალაქელებმა" მნიშვნელოვანი მატჩი დათმეს "ჩელსის" წინააღმდეგ. ეს მარცხი კი საზოგადოებამ ჯო ჰარტის სინდისს მიაწერა, რომელიც კვლავ გაეხვა კრიტიკის ქარ-ცეცხლში. როგორც სჩანს, კოლოს არ ადარდებს მისი თანაგუნდელის გაკიცხვა და მისთვის ჯო ჰარტი კვლავ საიმედო გოლკიპერად რჩება.

"ჯო მაღალი კლასის მეკარეა, რომელიც მაქსიმუმს აკეთებს მოედანზე და ეხმარება კლუბს გამარჯვების მოპოვებაში." დაასრულა ტურემ.

SkySPORTS