"მანჩესტერ იუნაიტედი" ყურადღებით აკვირდება "რომას" ამომავალ ვარსკვლავ მირალემ პიანიჩს, რომელიც იტალიურმა კლუბმა 25 მილიონ ფუნტად შეაფასა.
იტალიურ სერია ა-ში "რომამ" ცხრა ჩატარებული ტურიდან ცხრავეში სამი ქულის აღება შეძლო, რაც მეტწილად პიანიჩის დამსახურებაა.
როგორც გამოცემა The Telegraph გვამცნობს, "წითელი ეშმაკუნების" სკაუტები უკვე დიდი ხანია, რაც ბოსნიელ ნახევარმცველს აკვირდებიან. "რომა" საქმის კურსშია და მათ ახალი 5 წლიანი გაუმჯობესებული კონტრაქტი გაუმზადეს ფეხბურთელს.
რასაკვირველია, "რომა" "იუნაიტედთან" შედარებით ფინანსურად სუსტია, მაგამ პიანიჩს ყველა შემთხვევაში მაღალი ფასი ექნება, - 2011 წლის ზაფხულში თვითონ რომაელებმა ფეხბურთელი "ლიონიდან" 9 მილიონ ფუნტად დაიმატეს და ახლა მისი ფასი საგრძნობლად გაიზარდა.
წყაროს დაყრდნობით, "იუნაიტედი" პიანიჩის ყიდვას უკვე ამ ზამთარში შეეცდება. ბოსნიელმა ფეხბურთელმა კარგად იცის ინგლისური, დევიდ მოიესიც იმედოვნებს, რომ ეს ფეხბურთელს დაეხმარება სწრაფ ადაპტაციაში, პრემიერ-ლიგაში.
წყარო:
http://fapl.ru