სტივ რაუნდის განცხადებით ადნან იანუზაის შეუძლია თავდასხმის ნებისმიერ პოზიციაზე თამაში, ეს მან გუშინდელ თამაშშიც დაამტკიცა სადაც კლასიკური 10 ნომრის პოზიციაზე თამაშობდა.
18 წლის ნახევარმცველი ერთ-ერთი საუკეთესოა "წითლების" რიგებში 2013-2014 სეზონში, მან უკვე დაგვანახა რომ შეუძლია ორივე ფლანგზე თამაში, თუმცა "ლიგის თასის" დაპირისპირებაში გამოჩნდა, რომ მას ასევე შესანიშნავად შეუძლია ცენტრში, მთავარი თავდამსხმლის უკან თამაში.
"იუნაიტედის" სამწვრთნელო შტაბი ჯერ კიდევ ცდილობს მისი ტალანტის განვითარებას და მისთვის საუკეთესო პოზიციის პოვნას. თუმცა რაუნდის განცხადებით საჩქარო არაფერია.
"ადნანი თანდათან ძლიერდება" განაცხადა რაუნდმა თამაშის შემდეგ. "ჩვენ მას 7, 10 და 11 ნომრების პოზიციაზე ვხედავთ. ის შესანიშნავად თამაშობს სამივე ადგილას. და თუ თქვენ კითხავთ რეზერვების მწვრთნელს [უარენ ჯოისს], რომელიც წინა სეზონში მას წვრთნიდა, ის ფიქრობს, რომ ადნანისთვის საუკეთესო 9 ნომრის პოზიციაა. სწორედ აქ თამაშობდა ის რეზერვების შემადგენლობაში. ასე რომ, მას შეუძლია თავდასხმის 4 პოზიციაზე თამაში."
"ისეთ ახალგაზრდა ფეხბურთელს, როგორიცაა ადნანი, ვაძლევთ მაქსიმალურად ბევრ სათამაშო დროს, ვცდილობთ ის სხვადასხვა პოზიციაზე ვათამაშოთ და მივცეთ ბევრი იდეა, თუ როგორ უნდა ითამაშოს."
უილფრიდ ზაჰამ მხოლოდ მეორეჯერ მოახერხა "იუნაიტედის" მაისურით გამოსვლა, თუმცა მან უკვე მოახერხა რაუნდზე შთაბეჭდილების მოხდენა.
"ძალიან მოხარული ვარ, რომ უილფი ძირითად შემადგენლობაში იყო." დაამატა მან. "ის ბოლოში ცოტა დაღლილი ჩანდა, ამიტომ შევცვალეთ. თუმცა ამ თამაშმა მას თავდაჯერებულობა შემატა, მან გამოცადა თუ როგორია "ოლდ ტრაფორდზე" მოგება."