იანუზაი გამოვიდა "სტოკ სიტისთან" მატჩში, რომ დახმარებოდა "იუნაიტედს" ეგრეთწოდებულ "ქამ-ბექში", რაც მან მოახერხა. კლუბმა 3-2 გაიმარჯვა.
ასევე, მოიესი მოხიბლულია ბელგიელის გამძლეობით, 18 წლის ფეხბურთელი უპრობლემოდ თამაშობს პირველ გუნდში. საქმე იმაშია, რომ მისი ტექნიკიდან და სისწრაფიდან გამომდინარე მოწინააღმდეგეებს მუდამ უწევთ მის წინააღმდეგ თამაშის წესების დარღვევა, რაც ხშირად ძალიან დიდ ტრამვებთან არის ხოლმე დაკავშირებული, თუმცა არა ბელგიელის შემთხვევაში. სწორედ ამაზე საუბრობს მოიესი.
"არავინ არის ისეთი, ვისაც შეუძლია ეს უბრალოდ გაატაროს და გაუძლოს ასეთ ხისტ თამაშს. მჯერა მსაჯები სწორად და სამართლიანად გადაწყვეტენ, მის მიმართ თამაშის წესების დარღვევას, თუმცა ეს იანუზაისთვის პრობლემას არ წარმოადგენს. ის არის მუდამ მზად ფიზიკურად, შეგიძლია დაარტყა ძლიერად, თუმცა მისთვის ეს ეფექტის მომტანი არ იქნება" - განაცხადა მოიესმა.
შოტლანდიელმა ასევე ზაჰაზეც ისაუბრა და დასძინა, რომ ინგლისელი ახალგაზრდა აუცილებლად ითამაშებდა "ნორვიჩის" წინააღმდეგ ინგლისის თასზე. ამით კი მას შანსი მიეცემა, რომ დაამტკიცოს საკუთარი შესაძლებლობები.
"კრისტალ პალასის" მწვრთვნელი მზად არის დაიბრუნოს ზაჰა არენდით იანვარში, თუ კი "იუნაიტედი" იქნება თანახმა. მოიესმა ამის შესახებაც ისაუბრა და განაცხადა, რომ ზაჰას ჭირდებოდა მეტი დრო, როგორც ადაპტაციისთვის, ისევე საკუთარი შესაძლებლობების გამოსავლენად. გუნდი კი აუცილებლად იფიქრებდა ამ შემოთავაზებაზე.
"ჩვენ არ გვინდა ის გავუშვათ ასე უცებ ხელიდან, არც ის გვინდა რომ პირდაპირ შევუშვათ თამაშში, მას დრო ჭირდება. ეს დრო კი მას ექნება აუცილებლად. იანვრამდე დიდი დროა, თუმცა თუ გადავწყვეტთ, რომ ის დარჩეს კლუბში ეს ასეც მოხდება, რადგან ის აუცილებლად მიიღებს სათამაშო დროს. ზაჰა ჩემს დიდ გეგმებშია და მზად ვარ მასთან ვიმუშავო" - დაასრულა მოიესმა.

წყარო: "სქაისპორტი"