პატრის ევრამ ლიგის თასის მნიშვნელობაზე ისაუბრა და აღნიშნა, რომ მის მოგონებებში ამ ჩემპიონატს დიდი ადგილი უკავია.
"მახსოვს ფინალის შემდეგ, ავტობუსში ასულმა როგორ ვუთხარი ფერგიუსონს: 'საოცარია, ორი თვის შემდეგ უკვე ტიტული მოვიგე!' კარგად მახსოვს ეს მომენტი, პირველ ტიტულს ფეხბურთელის მოგონებებში განსაკუთრებული ადგილი უკავია. არ აქვს მნიშვნელობა ეს იქნება ქომუნითი შილდი, ლიგის თასი ან რაიმე სხვა. სწორედ ამ დღიდან ხდება მოთამაშე მუდამ გამარჯვების მაძიებელი. უფრო და უფრო მეტის მოგება გინდება.
ჩვენთვის ეს (2006) მნიშვნელოვანი მონაპოვარი იყო. მას შემდეგ კიდევ არაერთი ტიტულს დავეუფლეთ. "იუნაიტედი" ყოველთვის გამარჯვებისთვის იბრძვის, არ აქვს მნიშვნელობა ვინ ითამაშებს, გამოცდილი თუ ახალგაზრდა ფეხბურთელი. "მანჩესტერ იუნაიტედს" მხოლოდ გამარჯვება სურს. ასეთი მენტალიტეტი ყველა კლუბშია. ახლა ჩვენი მიზანია "ნორვიჩი" დავამარცხოთ. მათთან თამაში მარტივი არ იქნება. იმედი მაქვს, შევძლებთ და გამარჯვებას მოვიპოვებთ." - დაასრულა ევრამ.



წყარო: dailymail.co.uk