იანუზაი გახდა მატჩის საუკეთესო ფეხბურთელი "წმინდანებთან" მატჩში, თამაშამდე რამდენიმე საათით ადრე კლუბმა დაადასტურა, რომ ახალგაზრდა ფეხბურთელმა 5 წლიან კონტრაქტს მოაწერა ხელი. ჯონსი დარწმუნებულია რომ ბელგიელის სახით "იუნაიტედს" ძალიან პერსპექტიული ფეხბურთელი ყავს.

"ის ფანტასტიური ტალანტია და როგორც ძველ გამონათქვამებშია, თუ ის თავს დახრის და მუშაობას გააგრძელებს, კლუბისთვის ბევრი სამუშაოს გაკეთება შეუძლია." განუცხადა ჯონსმა ManUtd.com-ს და PA Sport-ს. "მასზე დიდი დატვირთვაა მიუხედავად იმისა, რომ ის ძალიან ახალგაზრდაა, თუმცა როგორც ხედავთ ის საქმეს თავს შესანიშნავად ართმევს და დიდ სამუშაოს ასრულებს. მან შექმნა საგოლე მომენტი ['საუზჰემტონთან' მატჩში]. ის თავის სამუშაოს ძალიან მშვიდად ეკიდება და თუ ასეთ თამაშს გააგრძელებს, ის ნამდვილი ვარსკვლავი გახდება."

იანუზაიმ შესანიშნავი მატჩი ჩაატარა და ძალიან ახლოს იყო გოლის გატანასთანაც, თუმცა სტუმართა მეკარემ შესანიშნავი სეივით იხსნა გუნდი.

"ამ შედეგმა იმედები გაგვიცრუა" განაცხადა ჯონსმა. "ჩვენ დავამარცხეთ 'სანდერლენდი' და ძალიან გვინდოდა ამის შემდეგ დაგვეწყო მაქსიმალური შედეგების მიღწევა, ჩვენ არ წაგვიგია მატჩი, თუმცა მაინც იმედგაცრუებულები ვართ. მე მეგონა, რომ მთელ რიგ მომენტებში კარგად ვთამაშობდით, თუმცა მეტი უნდა გავეტანა, ბოლო წუთებზე გაშვებული გოლი დიდი შეცდომა იყო."

"შეიძლება სეზონი ისე ვერ დავიწყეთ, როგორც გვსურდა, თუმცა ჩვენ გავაგრძელებთ მუშაობას. ჩვენ მალე გვიწევს თამაში 'რეალ სოსიედადთან', ჩვენ კარგად დავიწყეთ 'ჩემპიონთა ლიგაზე' ასპარეზობა და იმედია ასე გავაგრძელებთ."