კლეიტონ ბლეკმორი თვლის, რომ ინგლისური კლუბები ისევ დაბრუნდებიან ევროპული საფეხბურთო სამყაროს სათავეში და ამას ენერგიის და მუშაობის შედეგად შეძლებენ.
"ვფიქრობ, რომ ბრიტანულმა კლუბებმა, გამოწვევა უნდა მიიღონ ევროპიდან. როდესაც "იუნაიტედმა" თასთა თასი მოიგო 1991 წელს, კლუბი ევროპული სტილით არ თამაშობდა. ახლაც თუ შეხედავთ "ბარსელონას", "ბაიერნს" და "დორტმუნდს" ამ კლუბებს საკუთარი თამაშის მანერა და სტილი გააჩნიათ და ამაში არავის არ ბაძავენ." - აცხადებს ბლეკმორი manutd.com-თან.
"სწორედ ასე ვმოქმედებდით ადრე, როდესაც მივმართავდით პრესინგს და მოწინააღმდეგის მცველებზე ზეწოლას ვახდენდით. ოპონენტებს საშუალებას არ ვაძლევდით, გახსნილი ფეხბურთი ეთამაშათ. ყველაზე წარმატებული კლუბები, ახლა სწორედ ამ მანერით თამაშობენ."