არსენ ვენგერმა განაცხადა, რომ ის და მისი ბევრი კოლეგა მოუთმენლად ელის სერ ალექს ფერგიუსონის ავტობიოგრაფიული წიგნის გამოსვლას და აცხადებს, რომ "იუანიტედმა" ცუდი სტარტის მიუხედავად ხელები არ უნდა ჩამოყაროს და წინსვალ უნდა განაგრძოს.
"ჯერ კიდევ ძალიან ადრეა იმაზე საუბარი, რომ "იუნაიტედი" საჩემპიონო რბოლას გამოეთიშა. ეს დიდი კლუბია, რომელსაც უდიდესი გამოცდილება და შესანიშნავი ფეხბურთელები ჰყავს. თქვენ კარგად იცით, რომ ჩვენს ჩემპიონატში 9 ქულის აღმოფხვრა ძალიან ადვილია." – აცხადებს "არსენალის" თავკაცი skysports.com–თან.
ასევე ფრანგმა სპეციალისტმა განაცხადა, რომ ის და მისი ბევრი კოლეგა, სერ ალექს ფერგიუსონის ავტობიოგრაფიული წიგნის გამოსვლას ელიან:"ძალიან კარგია, რომ სერ ალექსი წიგნს გამოსცემს. შესაძლოა, მას საკმარისი დრო არ ჰქონდა კლუბში ამ საქმით დაკავებულიყო, ახლა კი პენსიაზე გასვლის შემდეგ მან დრო გამონახა მის დასაწერად. ის კიდევ ბევრ წიგნს გამოსცემს, დარწმუნებული ვარ."