ადნან იანუზაიმ Kosovo-თან მცირე კომენტარი გააკეთა თავის სამომავლო გეგმებზე და სურვილებზე. ადნანის სამომავლო გეგმები როგორც ჩანს, მთლიანად "იუნაიტედს" უკავშირდება. ეროვნულ ნაკრებს რაც შეეხება, მის ბედს იანუზაის მამა გადაწყვეტს. "მანჩესტერ იუნაიტედში" ბედნიერი ვარ, მინდა აქ ყველა მატჩში ჩემი შესაძლებლობების 100% გამოვავლინო. მინდა კლუბს პრემიერ ლიგის მოგებაში დავეხმარო და მსოფლიოს საუკეთესო ფეხბურთელი გავხდე." - განაცხადა იანუზაიმ. ადნანის ნიჭი დევიდ მოიესმაც შეაფასა. დევიდს დიდი გამოცდილება აქვს ახალგაზრდა ფეხბურთელების აღმოჩენასა და აღზრდაში. "ის ალბათ ყველაზე გაწონასწორებული ახალგაზრდა ფეხბურთელია მათ შორის, ვინც კი ოდესმე მინახავს. ადნანი მტკიცე და სტაბილური ფეხბურთელია, რომელსაც ახლა დიდი არჩევანი აქვს. მას მდგომარეობასთან დაკავშირებით ვერანაირ პრობლემას ვხედავ. არ ვთვლი, რომ "მანჩესტერ იუნაიტედის" ყველა ფეხბურთელი იმსახურებს ყოველ მატჩში თამაშს. ადნანი 18 წლისაა, ვინმე ელოდება მის ყოველკვირა მოედანზე ნახვას? არის ის საკმარისად კარგი ფეხბურთელი? პასუხი არის დიახ. ალბათ წლების შემდეგ მოხვალთ და ამ ინტერვიუს გამახსენებთ. იმედი მაქვს ამ ბიჭთან დაკავშირებით ყველაფერი ისე იქნება, როგორც ვიმედოვნებთ." - დაასრულა მოიესმა.