დევიდ მოიესმა მატჩისწინა პრესკონფერენციაზე გუნდის დანაკლისებზე ისაუბრა. დევიდის ცნობით, კლუბს დიდი ალბათობით ვან პერსი. ჩიჩარიტო და ვალენსია დააკლდებიან. "სანაკრებო პაუზიდან რამდენიმე გადაღლილი და დაზიანებული ფეხბურთელი გვიბრუნდება. ყველაზე მეტად ვან პერსიზე ვწუხვარ. ანტონიო სამხრეთ ამერიკიდან ძალიან გვიან ჩამოდის. ასევე ჩიჩარიტოც. მათ ყოველთვის დიდი დრო და ენერგია ერთმევათ აქ ჩამოსვლაში. საწყენია, რომ რობინი ფორმაში ვერ შეხვდება მატჩს. ვნახოთ ხვალ ის როგორ მდგომარეობაში იქნება და შემდეგ გადავწყვეტთ ითამაშებს თუ არა." მოიესმა ვან პერსის მიღწევაზეც ისაუბრა. რობინმა პატრიკ კლუივერტის რეკორდი მოხსნა და ჰოლანდიის ყველა დროის საუკეთესო ბომბარდირი გახდა. "ეს მართლაც საოცარი მიღწევაა. რობინს ამ წარმატებაზე უკვე ვესაუბრე. ახლა ალბათ მისი მთავარი მიზანი მსოფლიო ჩემპიონატზე, რაც შეიძლება მეტი გოლის გატანაა. ჰოლანდიას არაერთი უმაღლესი დონის ფორვარდი ჰყავდა. იყო მათ შორის საუკეთესო, ეს საოცარი რამაა." - დაასრულა მოიესმა.