ადნან იანუზაი მზადაა ითამაშოს ინგლისის ეროვნულ გუნდში, თუ FA დაუშვებს გამონაკლისს და მისცემს ნაკრებში თამაშის საშუალებას არა ხუთ წელში, არამედ ახლა. მანჩესტერის ვინგერმა, რომელიც დაიბადა ბრიუსელში ალბანურ-კოსოვურ ოჯახში, უკვე უარყო ბელგიელთა შემთავაზება.ინგლისის ფეხბურთის ასოციაციამ უკვე გადაწყვიტა, რომ თუ ადნანი დარჩენილი 4 ნაკრებიდან ინგლისს აირჩევდა, კომპრომისზე წავიდოდა და ახლავე მისცემდა თამაშის უფლებას.




Sportsmail იუწყება, რომ გადაწყვეტილება ფეხბურთელის მშობლებმაც მიიღეს. ზემოთ ხსენებული 5 წლიანი ვადა კი შემდეგი დებულებითაა გამოწვეული: თამაშის უფლების მისაღებად აუცილებელია 5 წელი იმყოფებოდე ინგლისში. ადნანი, რომელიც "იუნაიტედში" 16 წლის ასაკში ჩაირიცხა, უკვე 2 წელია რაც ბრიტანეთშია. როი ჰოჯსონმა და გრეგ დიკმაც(ფეხბურთის ასოციაციის პრეზიდენტი) გააკეთეს განცხადებები ადნანთან მიმართებაში. ორივეს სურს, რომ მან ინგლისი აირჩიოს და შესაძლებელი გახდება ლეგალურად შეიცვალოს წესები.




სხვა გამოცემები უეწყებიან, რომ იანუზაისთვის და მისი მშობლებისთვის იდეალური გადაწყვეტლება იქნება კოსოვოში თამაში, თუ ეს შესაძლებელი გახდებოდა, მაგრამ ფიფა არ აძლევს კოსოვოს ნაკრების ყოლის უფლებას. ამის გათვალისწინებით, ადნანი ინგლისში ითამაშებს. ბელგია დიდი ხნის მანძილზე ცდილობდა მის დარწმუნებას. ნაკრების მწვრთნელმა, ვილმოტსმაც ისაუბრა არაერთხელ ადნანის შესახებ:"შესაძლებელია, ბელგიაში ითამაშოს. ის ახალგაზრდა ტალანტია? სურს თამაში? მაშინ არ არის პრობლემა, ჩვენ დაველაპარაკებით მას."პასუხი უარყოფითი იყო, ვილმოტსი კი მაინც არ ეშვება იანუზაის.